本年度第三回去澳門, 再次分享由北吃到南的行程 ~
第一站係新文記人豬扒麵, 一家我以往都會幫襯的茶記, 豬扒包依然有水準, 夠香夠脆, 豬扒麵帶有兒時的味道, 奶茶亦非常的不錯 …
新文記人豬扒麵
關閘/台山關閘廣場296號新寶花園地下
第二站, 係上回幫襯過的 368 (小食) 魚湯粉, 令人想念的魚湯米 & 緬甸撈 !
368 (小食) 魚湯粉
仙台店 : 澳門巴波沙大馬路216號吉祥閣地下
第三站 : 不得不重遊的一家咖啡店 Mind Cafe, 只為那杯很有水準的 Dirty !
今回遇上老闆在場, 有幸可以即場選豆做掛耳包, 成功帶著 18 個味道香氣皆出色的掛耳包回港 ~
老闆提到有興趣可以上 IG 先睇豆 list, 再預先落單, 到澳門時就可以取貨 !
Mind Cafe
僑樂新街10號地下AB鋪
上回澳門遊經過果欄街, 有眼不識泰山咁入埋 八目烘焙 2.0 都冇買到 焦糖酥皮蛋撻 …
今回再走過了原店 八目烘焙咖啡, 結果是 焦糖酥皮蛋撻 只剩下一個, 不過反而更吸晴的卻是 朱古力可頌, 就咁第四站就成立了 !
八目烘焙咖啡
荷蘭園沙嘉都喇賈罷麗街16A號寶勝閣地下H號舖
之後沿瘋堂斜行, 走到瘋堂新街, 再到 醫院後街 …
呢區現有一系列文青系小店, 有時間倒值得一逛 ~
第五站是一家刨冰店, 最適合炎炎夏日食的刨冰 : Hano Kakigori !
聽說這裡的期間限定口味會隨著季節變更, 今回我地選了常設口味 : 蜂蜜乳酪 & 期間限定 : 開心果, 由於蕨餅太吸引, 結果都同時被選中了 ~
刨冰之口味很不錯, 不會過甜或太膩, 但相對溶點似乎較低, 食慢一點就會溶成了水狀 ~~
Hano Kakigori
新馬路龍安圍 8 – A地下 A座
第六站是手信點 : 老人牌沙甸魚店 (Porthos Macau) …
如果一個 OCD 的人入到此店, 都唔知會係咩反應了 ….
澳門老人牌專門店 (Porthos Macau)
澳門羅保博士街34-38號 廠商會大廈地下B單位
閒逛於崗頂前地的古舊建築之中 ….
原本今回想試下樹下咖啡, 可惜去到剛好有人在做採訪, 那我們為有改道一下 …
第七站的 山上咖啡 !
上回沒太多胃口就未有點到咸食, 今回則試到了炸物 與 Mocktail ~
山上咖啡
澳門崗頂斜路4號（一區警署旁）
第八站是連續三個旅程都有吃到的 澳門陸軍俱樂部 (Clube Militar de Macau) ~
人多也真可以多點些菜式, 今回有蟹湯、炸馬介休球、蒜蓉炒蜆 &八爪魚沙律, 三回吃過水準依然 !
今回點了烤乳豬, 第一次係呢度食野會有失望之感, 因為呢個烤乳豬真係未夠出色哦 ~
乳豬皮烤得不夠酥脆, 反而整體有點膩膩之感 …
而鴨飯今回焗得不夠香, 單看焗飯表面之顏色都可看得出 !
幸好海鮮飯仍然保持到水準咋 ~~
甜品就完全回復到高水平, 三款甜品之中, Creme Brulee 算係今回新口味, 味道口感皆出色幼滑, 從此我地喺呢間餐廳, 又會多了一個甜品選擇了 ~~
