這已經是 3 星期多前的事了, 話說當日跑完 10 公里, 我們還有精力去左行山 ~ 由沙田紅梅谷起步, 我們沿路上山去, 目的地就係筆架山啦 ! 紅梅谷原以為係馬騮集中地, 點知呢日一隻都見唔到, 卻讓我在路上遇上 1 大 2 小 3 野豬, 仲因為小野豬被媽媽大吼驅趕中, 小野豬只有邊走邊低吼回應, 聽著聽著覺得有點搞笑, 但又好驚佢地繞路會繞到我跟前 … 左定右呢 ?! 以為左邊辛苦過右邊, 事實係左邉條路平坦一點喎 ! 是日黃昏的光線很不錯吧 ?! 我特別繞道一圈, 走到可以看到望夫石的風景台 … …
若問我究竟係咩原因要 24 小時內跑左兩場比賽 ?! 老實講, 除左自虐之外, 都真係諗唔到點解我要咁做 !!! 唔講咁多, 等我分享下呢 2 場 events 的苦與樂 ~ 當日我地報 2018 Kuma Fun Run, 主要都係禮物幾吸引, 有衫, 毛巾仲有 early bird 公仔一隻 ! 比賽路程除左有 10 公里, 仲有 5 公里 又或 親子 1.5 公里選擇, 真係大人小朋友都咁啱玩 ~…
我究竟有多久没一次過行完針草帽呢 ?! 好可能係毅行之後就冇再行過了, 我平常都係由沙田出發, 直接跳過針山去草山再上大帽山. 呢期有點身痕, 又想去練練山, 就選了針草帽, 點知呢日真係又熱又曬呀 ~ 我們由城門水塘出發, 呢期個個都話香港各大水塘都有點乾塘, 實境望下, 都真係乾乾地喎 … 針山特色 … 上樓梯吧 ! 大家放眼欣賞山下風景, 不要專注山頂距離, 就會發現上針山還是可以的 … 可能太耐冇行過針山, 下山路段似乎被整理過, 没有以往的凹凸不平 及 跣腳, 覺得好行左喎 ! 完成針山, 來個不太難的草山 … 上完山先黎變天氣, 天色一下變得陰暗 ~ …
十月颱風來臨前的一天, 難得朋友自新加坡而來, 梗係要帶佢去我最喜愛的 “香港郊野公園” 啦 ! HK 的美景, 絕對不是只有維港夜景, 郊野公園的風景絕對不會輸 ! 早上, 先跟朋友們去飲番餐茶, 好讓他們試試港式點心先 ~~ 這條路線, 不論長短版, 我都行左唔少次, 依然非常喜歡這路線上的風景. (http://traveling-fish.tixmart.org/?s=%E9%B9%B9%E7%94%B0%E7%81%A3) 好友不是山友, 不常行山, 因此今回我們走短線版, 起步點為西灣亭 ~ 颱風前夕, 特別的大風大浪, 坐於海灣茶座那邊, 看著枱椅都被吹翻了. 如平常一樣吃了碗豆花, 再安坐一會, 我們才再度起行 ~ 是日天色一般, 勝在不會太曬太熱, 看來快要進入很適石登山的季節了.…
這個端午節的天氣比預期的好, 那就跟同事們去行下我最喜愛的山徑 – 麥理浩徑第二短 (短線版) ~ 這條路線以往也曾走過, 今回的行程基本上跟上回是完全一樣, 就連行完山後的下午茶, 我們也去了同一家餐廳 ~ HK : 再來 ! Hea 遊短線麥理浩徑第二段 (西灣 – 鹹田灣 – 赤徑 – 黃石碼頭) 起點於西灣亭, 下車後慢步前往西灣村 ~ 最近發現不少山徑附近的茶水亭遭人投訴, 一向售賣的熱食全没了, 我有點擔心這條路線上的食店也中招. 還好, 我一向最喜歡幫襯的那家海邊茶座仍在, 那碗薑汁豆花依然好味 ! 走過了西灣, 這裡似乎比以往熱鬧. 以往那不定時開出來往西貢的快艇, 如今越來越多人乘坐,…
係囉, 本星期又行山囉 ! 有時總覺自己冇事搵事做, 今年暑假有個登山目標要達成, 咁我就唯有努力練山吧 ~ 今回搵埋班同事去行山, 我地要上獅子山 !! 獅子山之前也有登過, 個景觀真係幾唔錯 : http://traveling-fish.tixmart.org/2013/01/13/hk-lion-rock/ 起步點没有不同, 還是麥徑 5 之起點 – 慈雲山獅子亭 ~ 麥徑 5 的起步是有點點辛苦, 未熱好身就全是上山路段, 好在上到去就係全平路 兼 有好風景作奬勵 ! 我都幾鍾意呢段麥徑, 尤其夜景真係一流, 想睇下好清的夜景, 可以 click 入去下面條 link ~ HK :…
似乎好耐冇去行山, 但由於預告了天氣麻麻, 本來約好了的行山活動臨時取消了. 幸好, 有朋友打算來個 30k 的, 正好可以練下山 !! 一早出發於深井, 穿過村屋群上山, 乜呢度咁鬼多大樹菠蘿架呢 ?! 仲一枝 4 個添 ~ 不過呢度起步都有點辛苦, 一開始就要行長樓梯上山 … … 上到這路段之後, 基本上都是平路來的了 ! 當我們穿過相五中的那片樹林, 踏在那條舖滿枯葉的路徑上, 都幾好 feel 架喎 ~ (好有拍武俠劇的場景哦 ~) 來到清快塘, 原來這裡有一家 “喜香農莊”, 是個不錯的補給站…
新一年要行大運了, 相約 2 名上山下海的成員, 齊齊上山去 ~ 這路線是以往有走過的, 由家的後山先往草山, 再上大帽山, 原本打算完成 30 公里去到深井, 最後由於天氣不佳而在川龍離開 ! 上回行程 : http://traveling-fish.tixmart.org/2015/02/01/hk-maclehose-trail-09/ 今回起步點同是華翠園, 沿著山上舖設好的路徑走去, 原來中途會有一條路通往道風山的哦, 下回試試先 ~ 上山途中, 我們盡遇一班跑山人, 我想是日應該有賽事在舉行中. 後來證實是 “環大帽山越野跑”, 全程 162 公里, 限時 42 小時內完成, 超勁卻也變態的賽事哦 ~ 來到這一處, 我們只會想到…
剛走過魔鬼山, 翌日我跟朋友們再出動, 走訪一下去年時常走過的麥理浩徑. 一年咁快又過去, 去年這個時間, 我跟隊友們還在積極備戰中, 就為了那 100 km 毅行者. 今年我們没有再參加了, 不過這條麥理浩徑第二段卻值得再次重溫 ~ 既然不是第一回到訪, 那當然有以往的遊記分享啦 !! HK : 靚景麥理浩徑第二段 (東壩 – 浪茄 – 西灣 – 鹹田灣 – 赤徑 – 北潭凹) HK : 再來 ! Hea 遊短線麥理浩徑第二段 (西灣 –…
我地似乎太耐冇行山了, 有點癮起, 相約一齊去行夜山 ! 估唔到呢排咁熱, 夜晚卻出奇的清涼, 隨行有藍月亮相伴, 再加上是夜天空很清, 一切都是最適合夜行的條件. 我們今回走的路線, 正是上年練習毅行的第一課 : HK : 夜行麥理浩徑第五段 (沙田坳 – 筆架山 – 大埔公路) 起點 : 沙田坳道, 那最令人氣喘的斜路 !! (這晚的月亮又圓又大, 真的很明亮的, 某些路段真係頭燈都唔洗呀 !) 初上山頭, 視野還未開揚, 但隨著上到山上, 可以清楚看到九龍的夜景 ~ (手機出品, 夜景質素一般咋 ~) …
本星期帶了契女去西貢 ! 有見最近自己時常行山, 忍不住要帶同契女去走一回, 不過她只是一個三歲多的小朋友, 要選易走的 … … 那就麥理浩徑第一段好了 ! 起步前, 那當然要先吃 Brunch ! Classified 是我以往不時幫襯的 Cafe, 近這一年是少去了, 今回就再選這家吧 ~ 如今的西貢多了很多高價卻賣港式西餐的餐廳, 往往令我有點失望也很卻步, 這 Cafe 則算是非常可靠的一家, 食品水準依然保持得不錯, 那杯 Mocha 咖啡則朱古力味有點太重, 下回朱古力粉可以落得輕手點. Classified Openrice Review : http://www.openrice.com/zh/hongkong/restaurant/%E8%A5%BF%E8%B2%A2-classified/48842 我們乘坐綠的真入萬宜東壩, 嘩 !…
是日天氣真的麻麻, 不過已經一星期没有行山, 那本星期我們還是照常出發去行山. 由朋友告知, 我家後山也有條行山徑, 可以通往麥理浩徑的, 是日就是去試試這條路徑 ~ 我們在穗禾苑吃過早餐, 便沿著馬路往上山走, 由於天氣真的不太好, 事實上 “打道回家” 的念頭揮之不去, 幸好我們還是成功走過家門而不入. 一路往山上走去, 直到見到華翠園的門牌, 那裡有一個分支路, 也就是行山徑的起步點. 若是大家想免去上山之苦, 可以到沙田火車站, 排頭村外的小巴站, 乘坐 69 K 綠色小巴到華翠園起步. 這裡, 似乎也是晨運客的蒲點 ?! 走得不遠, 便會看到了配水庫, 那就繞著其外圍再繼續前進. 我重來沒有想到, 這條偏僻的行山徑, 竟然會被舖設得如此完善, 果然富貴人家之居住地, 都會較受地區議員的重視.…