我地似乎太耐冇行山了, 有點癮起, 相約一齊去行夜山 !
估唔到呢排咁熱, 夜晚卻出奇的清涼, 隨行有藍月亮相伴, 再加上是夜天空很清, 一切都是最適合夜行的條件.
我們今回走的路線, 正是上年練習毅行的第一課 : HK : 夜行麥理浩徑第五段 (沙田坳 – 筆架山 – 大埔公路)
起點 : 沙田坳道, 那最令人氣喘的斜路 !!
(這晚的月亮又圓又大, 真的很明亮的, 某些路段真係頭燈都唔洗呀 !)
初上山頭, 視野還未開揚, 但隨著上到山上, 可以清楚看到九龍的夜景 ~
(手機出品, 夜景質素一般咋 ~)
走過一點的畢架山 … …
開揚夜景一覽無遺 !
没想到昂船洲大橋一樣可以見到 ~
行左咁多次呢條麥五都冇發現喎 !!
是晚花了三小時, 全程走了 11.5 km, 照慣例行完落深水埗吃甜品 !
可能相隔幾個月冇行山, 我某 D 較位初起衷時實晒, 今回行完反而鬆番晒, 好舒服.
不過呢, 我還以為可以做下運動, 可以幫助壓住將發未發的感冒菌.
結果 … … 還是發了出來, 家下周身骨痛又頭重重, 鼻又塞晒咁, 這個 weekend 要休息, 冇得潛水了 … 好可惜呀 ~~~~~
呢個位睇好靚喎.
係呀 , 而且易行架, 值得走一回!
個夜景真係幾唔錯,夠涼行得舒服啲
感冒應該好晒了吧
好番好多, 可以潛到水, 今日又行到山 !
我都係果晚行五至八!
你練山 ?!