唔經唔覺, Shetland 10 日 (真正係 8 日, 頭尾 2日係用黎坐飛機同坐船的) 旅程就咁完成, 時間真係過得太快啦 !!
今日當係我由船踏上陸地的剎那 (Aberdeen), 真係好有衝動掉頭番去, 只係一海之隔 (咁都幾百 km 的), 點解個世界差咁遠架 ~
呢 8 日我真係玩得好開心, 十分喜愛呢個地方, 甚至想到 " 呢度就係我退休時要住的地方啦 !!".
Shetland 風景非常美麗, 由於係群島, 沙/石灘真係多不勝數, 我每日總可以搵到一個碼頭 / viewpoint 去享用我自備的午餐 !! 當然仲有 Evening 時間 (shetland 的日落係晚上 10:00), 我都係海邊聽住歌, 寫下 postcard 咁, 非常 enjoy ~
當然有靚的自然風景, 就一定有 wildlife 係度, 我從未見過咁多雀架 !! 成個 Cliff 都係, 一片白色, 我分別由崖頂, 對崖, 同埋出海由下往上望, 無論任何一個角度, 都係一大堆雀 !!! 當然我成功見到 Puffins 啦, 仲影左好多大頭相添呀, 等我慢慢逐一放上網 ~
係 Shetland 住的人, 大多數都係上了年紀退休人仕, 佢地十分 Friendly 同 Chatty, 同佢地每一個我都可以傾一餐 !! 由 Museum 的 staffs, B&B 的話事人, 一對 70 到尾的行山老夫婦, 守機場跑道 X highway 交界閘口的管理人員, 甚至係街頭行過遇到不相識的路人, 我都同佢地傾左一輪計 ~
總之呢個旅程可以話係我咁多到訪過的地方之中, 暫時位列第二位架 !! (第一係 ???)
佢差 d 咩 ? 天氣囉 !! 我基本上 4 件基本裝備冇離過身 : t-shirt 底, 絨底衛衣, Fleece 再加一件 Gore tex 風褸 !! 佢唔係話特別凍, 而係因為太大風呀 ! 出海時我仲要放暖包係身添呀 ~
我執好相會開始寫我的遊記 ! 等下啦 ~