5 個星期的"回鄉"假期終於完結, 玩到筋疲力盡的我, 帶著 HK "最潮"的流感, 順利飛番英國, 隨身帶著的係醫生開的 5 包手信 (仲有 2 包係行李度, 醫生話要病好再食).
情人節o個晚開始病, 發足 2 日高燒, 燒到成身散晒, 四肢無力, 本來預算作 final shopping + 見朋友"最後一面"的我, 最終只可以訓係床上, 整日迷迷糊糊, 食的係流質食物, 我諗呢次的唯一好處係將我係 HK 增的磅一次瘦番晒 …..
好在我總算係飛o個日退左燒, 勉強可以上飛機, 我好怕病住咁飛, 仲要飛咁遠, 12 個鐘零 44 mins, 跟住要轉 coach 坐 3 hrs 番 Birmingham, 再轉 taxi 番屋企, 平時健健康康的我玩完一轉都攰死, 更何況係病到咁的我 ….
聽說今日的 HK暖左好多, 搞到好似真係我將 UK 的天氣帶番黎, 又隨著我的離開而離開咁 !! 而今日的英國反而比我係 HK 時暖, 仲有太陽添, 訓醒一覺的我好似精神多, 屋企同車都安然無恙, 我要快快收拾行李, 準備好聽日番工啦 ~
o係 HK 的最後一個星期都拍下唔少相, 加上 New Zealand 之旅, 等我係英國 settle 好, 再慢慢放上黎同大家分享下啦 ~