由英國去 New Zealand 真係好遠呀 !!
好在家係 HK, 有個中轉站咋 ~ (係呀! 我真係幾不孝架 
, HK 某程度係我其中一個旅行中轉站黎架咋 !). o係番左 HK 唔夠一個星期, 我就同朋友飛左去 New Zealand 過一個 2 星期的 south to north self drive trip.
我地先飛去 Auckland, 跟住轉機落 Christchurch, 一切由南島開始玩, 亦算係整個旅程最好最多野玩, 風景最優美的所在, 我大概 10 日係南島, 不過都仲係覺唔夠, 唔怪得 d 同事係一去就 1 -3 個月囉, 而北島就得番 4 日, 所以好多地方都未去到, 但我始終愛南島 !
第一日到達, 基本上全日用左黎坐飛機同開車, 我地到 Auckland 時已經係 1pm 點多, 轉機到 Christchurch 就已經 5pm, 仲要開 2 hrs 車一路剎去 Kaikoura, 因為我地要係呢度過夜, 準備第二朝一早出海睇鯨魚呀 ! 因為咁, 呢日影的相全部唔係機場, 就係機場, 只有最後係 Kaikoura 影左間真正背山面海的 YHA, 佢的日落影唔錯架, 但第二朝見的日出景仲靚, 而 YHA 的廚房係對住個海的, 咁我地的早餐就真對住個海景啦 ~
