2008 Red Bull Flugtag @ Hyde Park, London

今日特地坐火車去 London, 為左睇一個名為 "Red Bull Flugtag 2008" 的 event, 早係 2 個幾月前, 我地已經為左羅到免費入場票, 四處叫朋友上網登記, 因為入場票雖然唔洗錢, 但要抽中先有架, 最終我呢邊羅到 16 張, 但只係得 8 個人得閒去 !!

咩係 Red Bull Flugtag ?! 講真佢係一個幾無聊的比賽, 講到底就係一大班業餘的人去砌一架有特色又飛到的"飛機", 然係係呢度鬥飛得遠囉 ! 呢個比賽係巡迴世界咁舉行, 對上一次係 London 舉行係 2004 年, 其他地方如澳洲, 奧地利等都有舉行過 …..

我今次係同一個同事同埋佢爸爸媽媽去, 大家一早預備好食物 (我有大蝦炒面, 佢地有咖喱薯仔同 Chapattis), 準備順便係 Hyde Park 黎個 Picnic 嘛 ! 大約 11:30am 到達現場, 好難先係公園個湖邊搵到個靚位 (已經好多人迫爆場, 睇到跳台的位所餘無幾啦 ~), 晨早就出發的我地, settle down 完就忍唔住要開餐啦, 咁唯有等食飽先四處走走啦 ~

現場有好幾個大電視, 唔想去湖邊迫, 可以選坐呢度的大草地 ~

今日會場的地圖, 我地坐 North Gate 2 !

會場有好幾個帳幕, 有 d 係賣紀念品, 有 d 係 Bar, 仲有一個係俾你自己整 Banner !

會場四周散佈好多紙板, 你可以自己影 or 俾人影完放上佢地的 Gallery ~

中途捉左個靚仔, 迫佢俾我影完獨照, 再要同我影合照 !

香蕉機製造現場, 即造即飛, 不過要先過到 Safety Check 喎 !

四周走完, 時間又到啦, 準備番原位睇比賽, 點知人太多迫得好辛苦先過到, 但竟然唔記得左個位係邊呀 !! 搵左一餐又要打電話先 locate 到朋友係邊呀 ~

比賽終於要開始喇, 今年一共有 41 架"飛機" 可以飛, 另外閘尾仲有 2 架 "特別版", 分數會分 3 Part : 1.造型創意分 – 好易明, 即係你架機有幾靚, 同埋有冇創意;
2. 開場表演分 – 每隊起飛前有 30 秒表演, 你可以跳舞, 排劇, 講野 …etc, 總之你要令現場 4 個評判俾分你啦 ~
3. 飛行距離 (以米為單位x2) – 即係架機離跳台幾遠, 再乘番 2.
將所有分數加埋, 總分最高就會嬴到呢個比賽啦 ~

第一個表演打頭陣的, 竟然係一班跳跳下舞會除褲的男人, 仲要係推一個坐廁同一個浴缸型"飛機"落湖喎, 真係有夠無聊架 ~ 打後就係一隊隊輪流出黎推架機落湖, 點解咁講 ? 因為今日全日基本上唔多過 5 架係真係飛到, 亦只有一架真係飛到 14.9 米, 其他一推離跳台即仆落湖 !! 而另一個特點係, 所有參賽者唔理你係咪 pilot, 最後都會屈於全場 8 萬人狂叫 " Jump !! Jump !! Jump !!", 而跟住架墜機一齊跳埋落去 ~

43 架飛機我都有影到, 但由於架半傻瓜機資質有限, 我只選左某部份相片同大家分享下啦 ~

人仲未算最多之時, 出面湖面上的就係跳台啦 ~

可算今日我的最愛 – "The Yellow Submarine" by Flying Aquanauts

算叫飛到下的 : "The Dastardly Vulture" by The Vulture Squadron

中晒 Star war 毒, 以為咁會飛到的 "Mixenium Falcon" by The Wrong Brothers

是日最成功飛機, 得全場起身拍掌, 飛得最遠的 "The Cullinan Bird"

到左 Part 2, 我o個位同事同埋佢的屋企人頂唔順啦, 佢地決定要走先啦 (加上中途有 d 溝通上出錯, 差點鬧得不愉快 ~) 可能對佢地黎講真係太無聊啦, 加上整個比賽節奏比較慢, 每架飛完後, 台上都要拖時間, 等下面 d 人清左水入面 d 散飛機同人, 所以一架一架咁等, 由 1:00pm 開始玩到 7:30pm, 比原定時間遲左成 2 個幾鐘 !!

最後得番我一個咩 !? 又唔係喎 ! 同場有另一班朋友都有黎, 只係我見我同事帶左父母黎, 怕佢地同另一班玩唔埋, 所以先唔約埋一齊 ! 家下得番我一個, 仲唔跑去玩個夠咩 ~ 佢地係遠少少個跳台, 但有另一個角度去睇, 影相仲正, 同埋我地係正個吊 cam 前, 唔知下星期 TV 重播時, 會唔會見到我呢 ?! Haha ~

睇完比賽咁梗係去醫肚, 齊齊走左去 China Town 度食中餐, 但精彩的係一行 9 人, 係 mixed culture 得好緊要架, 結果一人叫一個餸, then 再跟白飯, 埋單都係一人 15 pounds, 個個都食得好暢快呀 ! 我地搞到 10:30pm 先開始離開 Central, 我連最後班火車都趕唔切囉, 多得朋友送我一程番屋企咋, 呵 ~

有點睇頭, 但直插水的 "Batwing" by The Caped Crusader + The Gotham Geezers