用了大半天時間, 看過了 2 個地熱公園, 下午開車回到 Rotorua Town Centre, 剛好於 Kiwi Encounter 關門前買了入場票, 參加了這個大約 30 分鐘的 guided tour.
Kiwi Encounter 係 Kiwi 呢種 NZ 特有雀鳥的保育中心, 於 2004 年才開幕 ! 由於 Kiwi 保護自己的能力是非常低 (可以話冇任何反抗能力), 受到各種天敵的威脅, 再加上人類的各種破壞, 如果不受到特別保護及加強培育的話, 佢地好快就會絕種架啦 ~
Conservation Centre 的主要工作係由孵蛋開始, 慢慢培育到 BB Kiwi 有 1 kg 重, 再過了一段 21日隔離階段, 就會將佢地放回野外, 全程大約 30 日 ~ Haha, 原來 Kiwi 都要有 special diet 去幫助生長架 ! 唔知有冇 Kiwi Dietitian 架呢 ?! 唔知我係咪要再讀過先可以去做架呢 !?
由 guide 引領下走入 Centre, 先睇一段關於 Kiwi Background 的 video, 再到培室外, 隔著玻璃窗觀賞工作人員捧著的 Kiwi eggs 同 Kiwi BB. Kiwi BB 真係好可愛架, 一隻手板咁大, 個樣騰騰雞雞咁, 縮埋一舊郁都唔郁 !!
再下一個 stage, 就走到入去黑房睇真實的 Kiwi, 由於 Kiwi 只於黑暗中活動, 而且非常膽小, 入到去眼睛先要適應昏暗的環境, 以及保持安靜, 安心企於圍欄外搜尋 Kiwi 於草叢中的身影, 慢慢留意到樹葉的郁動, 就係可以於樹底下睇到 Kiwi 架啦 !!
長大了的 kiwi 個樣唔係咁特別, 一隻雞咁上下大小, 但睇佢咁笨手笨腳, 除了逃跑外又完全冇自保能力, 真係完全明白點解佢地會面臨絕種的 ! 留意: 館內唔可以拍照, 本旅程我先後去了幾個地點觀看 Kiwi, 最後一張相也拍不到, 因為冇一個地點容許遊客拍照的 !
最後會到展覽館, 可以慢慢細看各種標本, 我才知道 Kiwi 都有咁多個品種架 !!
我買的是 Combined Ticket, 除了 Kiwi Encounter, 還可以到對面的 Rainbow Springs Nature Park 走上一圈 ! 這裡最出名的是 Rainbow Springs 的 Rainbow Trouts, 雖然 Park 中建有一個 Pool, 錯覺上這兒都是養魚, 但事實上一整個池裡的都是 wild rainbow trout, 佢地可以隨意來去, 不過可能呢度好住o卦 (我唔 sure 工作人員餵唔餵佢地, 如果餵的話, 咁又唔算係 wild 喎 !) , 年中總有 300 – 400 條間唔中會來此停留一陣 ! 同時這個公園亦有進行保育工作, 將只有 0.5 % 生存率的 wild trout 提高到 85 % !
之後, 還要記得去 Underwater viewer of rainbow pool, 非常精彩的水底 view , 另外 Blue Trout Pool 內有因 genetic 異變而形成的淺藍色 blue trout ! 除左 Rainbow Trouts, 呢度仲有各種各類 NZ 本土動植物可以欣賞及參觀, 我入場之時將近關門, 遊人甚少, 非常清靜, 幾乎只有流水聲及雀鳥的叫聲 !
P.S. 這裡亦有一個 Kiwi 小展館, 裡面也有 2 隻 Kiwi ~
是日行程可謂非常充實, 由於日光時間長, 我還可以開車繞到 Rotorua 的後山區, 痛快地飛馳了一大段彎彎曲曲的山路 ! 最後才心滿意足地駛回 Town centre, 享受了一道豐富的 Seafood pasta, 外加 2 個雪糕球, 才安然回到 YHA, 可惜卻發生了之前提及的煩事, 影響了一天的好心情 !!
