這道菜的原名應該是 "Tortilla Española", 簡單來說就是薯仔旦餅, 如果時常到西班牙式餐廳 – Tapas 店用餐的話, 應該對這道菜不會太陌生. 差不多我每次去到 Tapas 店, 都會點這道菜, 就因為貪其平, 靚, 正, 同埋真係好少餐廳會將這個做得難食的, 同樣, 要整得出色亦不容易, 呢晚我就想試一試去整.
這個薯仔旦餅食譜有很多版本, 我用了最簡單, 最少材料的.
材料 :
Baby Potato 4 pcs BB 薯仔 4 個 – 要切成薄片
Onion 1 pcs 洋蒽 1 個 – 要切成幼條
Egg (Large) 3 pcs 大雞旦 3 隻
Salt & Pepper
Olive Oil
落 Olive oil 到平底鑊, 加入薯仔片用中火炒, 炒時要盡量將薯仔片分開, 令佢地唔好疊埋一齊, 到咁上下就可以落切好的洋蒽, 一齊慢炒直至薯仔熟透. 這個步驟頗花時間, 又要時常搞伴免得煎燶, 薯仔片切得越薄, 煮的時間就越短, 不過厚身點的薯仔片, 食落就有咬口一點, 如何取拾就自己決定了 !
之後, 將炒好了的薯仔片及洋蒽, 放到一旁稍涼.
將雞旦打勻, 加入 鹽 及 黑胡椒 作調味, 等著仔片及洋蒽放涼, 便可以倒入旦漿內, 伴勻 (可試一試味, 不夠咸可以再加鹽)
再次落 Olive oil 到平底鑊, 開大火等到鑊夠熱了, 才倒入薯仔片旦漿. 下了鑊後, 便要快手將薯仔片餡料平均地壓好, 但切忌大動作地翻動旦餅.
慢慢地將旦餅煎到成型, 到咁上下時間,可以試著輕搖鑊身, 如果旦餅隨著移動而不散開, 就可以到試著反轉旦餅.
由於旦餅本身頗重, 自問没信心可以用拋鑊 or 用鑊鏟就將其反轉, 我就用了較原始的方法, 先將旦餅移到餐碟上, 再用平底鑊套上, 快手地將 2 者上下掉轉, 就成功將旦餅反好了 !
最後, 將旦餅的另一邊慢慢煎至金黃色, 這道菜便完成了 !
這是完成整版的薯仔旦餅, 外表完全只是一片煎旦, 不過睇番第一張相, 是切開了的著仔旦餅, 可以看到一層層的薯仔片架 ~
