2016 速遊台北 III – Part 1 吉卜力的動畫世界

六月某個 weekend, 我又用左自己的方法去左台灣, 點知咁啱得咁橋, 係吉卜力的動畫世界開展第一天.

既然剛好遇上了好展覽, 真係冇理中唔去睇下架嘛 ! 我估大家知吉卜力係宮崎駿 & 高畑勲兩大動畫大師的工作室黎架嘛 !?

我明知 Day 1 實多人架啦 ! 一早就拜託了台灣朋友為我們訂門票, 事實上門票唔難買同訂, 皆因門票係冇指定日期, 反而係入場前要再拿入場號碼, 呢個先係真正的入場次序.

幸好我們預早到場, 成功拿下 486-8 的號碼 (記得係一人一籌), 以會場 9 點正式開門來計, 我們不到 9:15 便成功入場.

今回仲唔係早起的鳥兒有蟲吃 ?!

吉卜力的動畫世界 Facebook : https://www.facebook.com/TheWorldofStudioGhiblisAnimation/

吉卜力的動畫世界 Webpage : http://uevent.udn.com/ghibli/

 

今回展覽展期頗長, 由即日直到 9 月 18 日, 所以大家唔洗咁急咁去睇的 ~

台灣的展覽比 HK 的多一個好處, 就是規模相對大點, 今回我們一行三人邊睇, 邊排下隊, 再加埋影相, 足足玩了接近 2 個多小時, 都真係好抵玩下 ~

展覽內分出多個展區, 每一個展區皆以一部作品為主題.

這回跟 2014 年在 HK 舉行的 吉卜力工作室場面設計手稿展 以平面設計 / 手稿 為主的不同, 台灣這個是設有多個立体場景模型擺設的, 真實感增加了不少, 頗精彩的 !

 

其實大家都估計好熟 宮崎駿的動晝, 不如我地玩個遊戲啦 !

我拍下唔同作品的相關展品, 分好類咁排序, 睇下大家要睇幾多張相, 先估到係邊一套動畫作品丫  !

第一部份的, 只要一看見這個相中這座移動城堡, 我諗都唔洗多講啦啩 ~

我最鍾意的小火火, 今回都有出場哦 !!

 

 

見到佢咁嘆, 又估唔估到佢的職業是什麼 ?!

最型係架飛機模型, 做得好仔細架 !!

 

嘩 … 剛行入去呢部份, 真係嚇左一嚇哦 ~

不過, 相信見到呢一幕, 大家應該會諗到係那一套宮崎駿的名作 !!

而我真係非常喜歡呢一部份展區的立體模型 !!!

 

呢一幕場景真係非常真實, 似乎將動畫中那個情況展示了出來, 我睇到唔捨得走 ~

正呀 !

 

望到小黑貓 … 仲唔知係邊套 ?!

 

估唔到 ?!

咁主角要出場囉 ~

 

飛天太離地 ?! 咁又去下佢店舖看看吧 !?

 

 

場館內設有拍照區, 大家可以走埋去場景中拍照, 不過就要先排隊喎.

我們全部都有排過, 唔算太長籠, 人龍管制都做得不錯, 起碼未算太混亂 … …

 

有没有印象, 那套動畫內有不少書信對話 ?!

記唔記得, 點解有 2 個小朋友成日要闖進森林中, 最後與某大動物相遇了 ?!

就算你幾唔睇宮崎駿動畫, 都冇可能唔識呢一套囉 !!!

 

呢個展品最有特色 !

參觀者係由樹幹上的樹洞, 向內觀察, 唔同高度 & 唔同角度, 都會見到唔同的場景 …

只可以講 … 超級可愛 !

 

最後來個經典的一幕 !!

 

呢套我真係冇睇過, 錯過了卻未有時間睇番 !

未睇過的話, 都好易估到 ~

 

呢套較為冷門一點, 我自己都要查一查 …

 

我鍾意呢套, 連佢參考的實境地, 我都有去過哦 ~

食咁多, 小心變豬喎 … …

其實好想問下, 大家鍾意唔意無面男架 ?!

 

仲有呢一套呢 … 有手繪 及 畫像, 好柔和的畫風.

 

出場順序 :

哈爾移動城堡
飛天紅豬俠
天空之城
魔女宅急便
龍貓
百變狸貓
幽靈公主
千與千尋
輝耀姬物語

逛完展館, 還可以到紀念品店看看 …

不過我們是看多過買的, 大部份都不是場館限定, 因此吸引力稍為不夠 !

  

 

台灣場館限定品不多, 相中是其中部份的紀念品, 我只買了 2 樣 !

 

真係成日都要排隊, 就連付款都要排下先得.

整體這個展覽很精彩, 大家去開台灣不妨逛逛 .

場外仲有一個展品架, 就係崖上的波兒囉, 唔好錯過啦 ~~~

 

 

華上文創區, 上回也有在這裡看過其他展覽, 黎緊有個都好吸引 – Where’s wally ?!

好想去, 但應該唔會有機會住啦 !

上回的 2016 速遊台北 I – Part 3 小小兵瘋狂世界 (Minions) - http://traveling-fish.tixmart.org/2016/01/25/2016-taipei-03/

 

 

先不計各式展覽, 這個文創區本身就很好逛, 有很多藝術工作者會到這些文創區作展覽 / 擺擋.

呢間 Popup Store 就係一例 !

 

仲有呢個大場, 係一個工藝市集來的.

其中以這樣衰衰公仔作主角的 Tee  及 彩繪式耳環, 都足以令我們在這消費再消費 !

 

接近午飯時段, 就在這文創區解決 !

這店平平無奇, 選擇也不太多, 但出品不錯, 好睇又好食, 而且幾清新唔膩.

如果不太熟悉這區, 又没有事先做功課, 唔知去邊間餐廳好, 就即管黎呢度試下丫.

 

離開前, 吃個靚靚蕃薯吧 !

台灣的地瓜真係好好食架, 特別甜, 又特別香 !

 

8 comments to 2016 速遊台北 III – Part 1 吉卜力的動畫世界

  • tomdelay

    喜欢天空之城纯真浪漫,栢斯在礦場接下茜黛的ㄧ幕…..他每天早上起床後的例行公事,在家樓頂吹奏小喇叭那ㄧ幕。
    也喜欢魔女宅急便,單纯質撲勇敢的女孩 。
    喜欢幽靈公主野性,故事的配楽,也喜欢森林的精靈。
    太多了,總之太多喜欢喜欢喜欢….
    也喜欢久石譲的音樂與歌曲呢!

    • ~ 魚 ~

      冇諗到 Tom 會對宮崎駿的動畫有咁深體會及認識 !
      我反而就冇留意咁多, 大多是兒時回憶, 我最印象深的其實是再見螢火蟲 !

  • tomdelay

    我沒有勇气再看《再見螢火蟲》,戰爭多殘酷呀!太傷感了, 每當我看到那种糖果盒就想起那妹妹的骨灰….很难过呀!
    那个哥哥這麽小的年纪要承受生與死的考驗和與親人分離的煎熬,最後也逃不过厄運,锇死在街頭,太可憐了…..

  • Gael

    立體模型比單純看平面手稿精彩好多呢
    件龍貓tee都幾靚

Leave a Reply

 

 

 

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

*