HK : 收米囉 ! @ 上水塱原

  

 

本期周末好節目, 跟朋友去塱原收米 !

我冇打錯, 你都冇睇錯, 我呢個星期真係跟左朋友入上水塱原的稻田開工.

好多人都會問, HK 仲有人種米架咩 ?!  答案係有架, 不過唔多人知, 亦唔易搵到咁囉 !

塱原呢一片米田, 其實係由好多塊農田組合而成, 而呢度的保育工作, 主要就由長春社負責統籌的 ~

長春社 – 保育塱原 : http://www.cahk.org.hk/show_works.php?type=sid&u=125

是日出發之前, 竟然下起大雨來, 同時卻又見到不常遇上的雙彩紅, 這天我們應該會很幸運的吧 !?

 

每一回來塱原, 總會覺得這裡的景色非常吸引 !

第一次來這裡的朋友, 都有點不相信 HK 也有這麼一大片平坦的農地.

事實上, 塱原本來就係一片淡水濕地, 生態價值很高, 想要睇雀島 / 生物 / 植物 … 等, 都可以在這裡找到.

是日藍天白雲, 水田正好如鏡一般, 將之反射了出來, HK 也有自己的天空之鏡哦 !!

要走到稻米田, 之前先經過了一片荷花田, 同樣的精彩 !

荷葉, 荷花, 蓮蓬 及 正在成熟中的蓮子 … 一次過見齊 !

 

嗰邊有荷花池, 呢邊就有粟米田, 粟米鬚外露, 但粟米本尊還未準備好, 再多等幾個月應該有得食架啦 ~

塱原本來就係一個大自然戶外教室, 帶小朋友來走一轉, 健康又學到野 !

 

 

 

黎到啦 ! 黎到啦 !

由朋友去插秧開始, 一直到稻米成熟得可以收割, 我都吵著要去稻田拍照, 今回終於成行了 !

是日能親身站在這片稻田之前, 那種金黃 與 翠綠相間的色彩, 配襯著藍天白雲,  真係好鬼靚呀 ~~

 

 

是日有幾班義工來幫忙收米, 我地都未落場, 已經有班人在開工了 … …

 

 

 

站在田邊, 先由指導員講解一下作業流程, 接著每人都選一個崗位開工.

我八卦左一陣, 又影左陣相, 都要落場幫手了 ~

 

 

 

 

 

在稻田上義工們可以按個人能力, 去唔同崗位工作, 期間也可以不時轉換位置.

其中一個就算係較污糟及體力勞動的, 就係要赤腳落田, 用簾刀收割, 有點危險性, 亦辛苦一點但好好玩 !

手起刀落, 貼著泥面橫切將一束束稻米割下, 再回傳給身後的運送人鏈 ~

其實落田唔一定要赤腳, 不過田中泥土濕軟, 我又冇水靴, 反正都係污糟, 不如赤腳落去仲乾脆, 但小心會俾昆蟲咬, 又或踏中硬物 … …

能近距離看一下飽滿的米粒, 機會真係唔多, 感覺滿足 ~

 

另一邊廂, 則是打穀機之運作. 由 engine 推動, 用於將稻米從稻草上打下來 !

田中的這幾部原始機, 功效較慢, 要花點時間才可以打完一束稻米, 因此往往將人鏈傳送卡住了 … …

 

 

打完穀後的稻草並不是廢料來的, 堆在這裡只等義工們來幫忙, 將之札成一束束的形狀, 再豎起來晒乾.

晒乾了的就是禾乾草, 可以用來餵飼牲畜, 也可以用來札東西, 其中 HK 傳統的舞火龍, 那條火龍就是用這些稻草來紮作的 ~

在這個崗位的義工們, 要留意自己對稻草的敏感程度, 同行朋友做完這個崗位, 回家後手腳都起了多條紅痕 / 紅點, 貌似被割手一樣傷痕滿佈, 而且非常痕癢.

這應該係被穩草的細微刺棘刺中, 身體起了敏感反應所致, 因此必要時長袖外衣便要出動.

  

 

話咁快, 這片田於一個早上, 被收到了大半 ~

收下收下,  點解會收剩了中間一片 ?!

工作人員說這片墨綠色的稻米, 已經過了收成期, 開始變壞中, 不能被食用的了, 因此就不收囉 !

 

 

收到的稻米, 要再過這部過濾機, 用於將混在稻米中的雜質分出來.

過好機的稻米, 就差唔多可以入袋, 只要再打磨好便成為我們日常食用之白米飯了.

 

 

 

是日天氣太熱, 在田中工作了一個上午, 已經又熱又攰, 可以想像到農夫的工作有幾咁辛苦.

過左中午, 我們要先離開稻田, 準備下一場活動.

離開塱原之前, 我仲影左唔少風景照 !

 

唔捨得呢個土炮天空之鏡哦 ~~

之後得閒 D, 等我又叫朋友帶我黎影下相先 ~

 

如果想係塱原附近搵食, 可以去河上鄉那邊, 不過士多星期日會關門.

我地實在係渴多過餓, 唔想食飯, 就咁飲支汽水解解暑就好了.

反而之後我地係去左上水榮昌茶座吃豬扒包, 仲有杯綠茶紅豆冰, 一朝早用左幾多 kcal, 都一下子食番晒入身體囉 … …

2 thoughts on “HK : 收米囉 ! @ 上水塱原

Leave a Reply to ohtria Cancel reply

%d bloggers like this: