去年 11 月, 我跟著 Wheel Power Challenge 來到淺水灣做了半天義工 !
這天的淺水灣, 風景特別優美, 藍天白雲, 水清沙幼, 真係好有外國的氣息, 最適合做一些有意義的事情啦 !
每到炎炎夏日, 大家應該都會想去沙灘曬太陽, 游下海水咁, 但大家又有冇想過, 輪椅使用者係如何落沙灘, 又如何可以落海呢?!
其實很多本地輪椅使用者都可能未有機會去到沙灘, 落海浸一浸海水架喎, 主要係輪椅的輪軚設計不利於沙灘上運行, 那就更不要說推到落海之中了 !
為了可以令輪椅使用者一嘗在沙灘上走動, 甚至滾進海水之中, Wheel Power Challenge 的朋友特地由外國引入了 3 架沙灘輪椅, 成就了這個 <滾動落海 Wheel To Beach> 計劃.
去年 11 月, 我們正式試用這架沙灘輪椅, 帶著一名輪椅使用者, 齊齊走進淺水灣沙灘, 再衝進大海之中 ~
相中呢架就係沙灘輪椅啦 ! 沙灘輪椅的 3 個車輪特別大, 以便在沙地上轉動, 其 2 邊扶手為浮水膠囊, 再加上輪椅車架之輕身設計, 呢架沙灘輪椅係可以浮在水中的呀 !
這天我們推著輪椅使用者在沙灘上走動, 除了偶爾間遇上沙丘會太點阻力, 我們推著這架沙灘輪椅在沙地上走著, 倒也不會太花氣力 !
重頭戲來了 ! 除了在沙灘上走動, 我們最希望是可以帶著輪椅使用者下水哦 !
只要 3 名同行者, 守在沙灘輪椅附近守護著, 間中主動指揮一下沙灘輪椅之角度與方向, 就可以讓輪椅使用者與我們一同感受浸浮在海水中的樂趣, 真心為此而高興呀 !
由於去年的試驗成功, <滾動落海 Wheel To Beach> 這個計劃今年正式實行了 !
係正式推出之前, 我再次跟著 Wheel Power Challenge 的朋友來實習多一回 ! 個人可以分享, 呢個下午除了輪椅使用者開心之外, 我們這幾個義工都係一樣咁開心架 !
大家若有興趣知道更多的詳情, 推介去到 Wheel Power Challenge 的 FB page 睇睇, 那邊會有沙灘輪椅的結構解說、沙灘輪椅嘅安全措施、去沙灘前的 Checklist 、活動日期 … 等等 !
最重要係仲有個 「Wheel To Beach FAQs」之解說, 呢班人仔真係好有心去搞呢個活動架 !
7月份活動日期如下:
1/7 (星期一)
7/7 (星期日)
9/7 (星期二)
14/7 (星期日)
每日2個時段：上午9.30-12:00 及 下午2.00-4.30
大家有興趣就去報名啦, 我黎緊都仲會到場幫忙做義工, 話唔定會係嗰度同大家見面呢 ~
第一次見. 幾好喎.
呢個活動好有意思