最近天氣越來越熱, 行山變得越來越辛勞, 不過正正陽光普照下, 才可以令山野美景變得更加璀璨 ! 這個早上, 依然的炎熱, 我們來個快遊小馬山 ! 照舊由南豐新村起步, 接上鰂魚涌樹木研習徑, 再由金督馳馬徑接上小馬山, 途中再一次經過片那戰時爐灶, 唔知事實仲可唔可以起到火炒野架呢 ?! 上小馬山是不可避免的一道又一道的石級, 還好能夠一邊欣賞遠處山下的好風景 ! 鍾意上小馬山, 主要係鍾意呢個側望維景兩岸景, 如果可以好多年前就開始係度拍照, 咁對比番而家, 應該可以好清楚影出海岸收窄 及 2 岸高樓之變遷 … 唔覺唔覺又上埋畢拿山 (Mount Butler), 再落大風坳 ! 最後去埋大潭水塘, 再係大潭篤水塘 Exit,…
去年 11 月, 我跟著 Wheel Power Challenge 來到淺水灣做了半天義工 ! 這天的淺水灣, 風景特別優美, 藍天白雲, 水清沙幼, 真係好有外國的氣息, 最適合做一些有意義的事情啦 ! 每到炎炎夏日, 大家應該都會想去沙灘曬太陽, 游下海水咁, 但大家又有冇想過, 輪椅使用者係如何落沙灘, 又如何可以落海呢?! 其實很多本地輪椅使用者都可能未有機會去到沙灘, 落海浸一浸海水架喎, 主要係輪椅的輪軚設計不利於沙灘上運行, 那就更不要說推到落海之中了 ! 為了可以令輪椅使用者一嘗在沙灘上走動, 甚至滾進海水之中, Wheel Power Challenge 的朋友特地由外國引入了 3 架沙灘輪椅, 成就了這個 <滾動落海 Wheel To Beach>…
早排我跟同事們重溫了這條路線 : “HK : 由鰂魚涌到大潭, 再去到赤柱” ! 呢條路線真係幾好行, 除了頭段要上斜路之外, 幾乎全平石屎路 ~ 起點在鰂魚涌街市後, 沿柏架山道而上, 今回都有入去紅屋, 仲去探望了幾款活生生的展品. 今次都仲可以見到 “香港蠑螈”, 也就是現已改名為 “香港瘰螈” 的小傢伙, 其外表很呆, 有點卡通化, 卻已是被評為近危物種 ! 離開紅屋, 繼續前進, 我們往大潭水塘方向進法. 雖然已到了三月, 仍幸運地可以看到季尾的吊鐘花, 小小的粉紅吊鐘躲藏在樹叢中, 很精緻 ~ 大潭水塘 … 就是一個繁忙的地段 ; 每一回前來,…
本星期天氣不穩定, 反而涼涼地最適合去行山. 今回跟新手朋友去行下, 選了一條平坦卻又可以無限伸延的路線. 起點在鰂魚涌街市後, 沿柏架山道而上, 往紅屋方向而行 ~ 這橦古宅就是紅屋, 又名林邊屋, 原為太古糖廠高級職員宿舍, 建於 1920 年, 算起來快有百年歷史了. 後來紅屋交由漁農自然護理署管理, 最後改建成 “林邊生物多樣性自然教育中心”, 免費開放給公眾參觀. 本來我就好鍾意呢種紅磚屋, 難得黎到梗要參觀一下啦 ~ 館內展出數種生物, 都是可以在 HK 找到的, 間中行山之時, 也有機會與牠們相遇的 ~ 其實我唔太贊成放佢地係個玻璃箱之中, 佢地都好似呆呆咁的 … … 有遊人察看過後, 仲問佢地係咪真架 ?!?! …
這個新年真係有口褔, 團年飯没吃到幾餐, High Tea 卻已吃了兩回, 又同大家分享一下吧 ! 初二那天, 我們要早點出門好等待煙花登場, 但又想要避開尖沙咀那堆人群, 我們唯有先找個地方落腳. 没想到在這麼人山人海的尖沙咀內, 朗廷酒店 (The Langham) 的 Palm Court 竟然頗為寧靜, 莫非大家都不會於農曆新年期間食 High Tea 的 ?! 那好, 讓我們出手吧 ! 香港朗廷酒店廷廊 Palm Court Openrice Review : http://www.openrice.com/restaurant/sr2.htm?shopid=1059 餐廳就在酒店大堂之中, 整體環境不算過於嘈吵, 坐了一會開始有現場鋼琴演奏, 氣氛也算不錯 ~…
是日星期天, 又一個没有出海的星期天, 那就來個港島區的閒 hea 遊吧 ! 十一時多, 獨個兒遊走於上環街頭, 就是為了那位於普慶坊的那家 Cafe. 港島區, 我就是對上環情有獨鍾, 估計主要是受那越開越多的小型 Cafe 所吸引, 不過這區確有點個性, 新與舊之融合, 旺中帶靜的環境, 令我特別愛到這區閒遊, 即使時常要爬上斜坡, 也無減我的興致 ~ Cafe Deadend, 是我一直想去的. 想不到早上的上環, 有這麼熱鬧的一角, 幸好我早了少許到達 (十二時前), 那就不用受那排隊之苦, 也可以吃到想吃的 (有些食品存貨有限, 賣光便會停賣) ! 這回我跟友人坐到 Bar 枱, 位置就在廚房工作枱前,…