去到一尺石的現場, 海面釣船很多, 仲有正在拖膠魚的, 但最熱鬧的是在海面已可見的沙甸魚群, 魚兒們間中飛躍出水面, 我還是第一次兜口兜面俾沙甸魚摑的 !
一尺石呢一潛其實係唔成功的, 玩左半支樽都冇就上番水, 水中迷濛一片, 亂流在發功中, 最多只係在落錨嗰舊石上繞了一圈, 就決定捉住錨繩做埋個 3 分鐘 5 米停留, 打個象拔順勢上番水面了 !
呢一潛最深係 12m, 連埋嗰 3 分鐘都係潛左 23 mins, 水溫倒是和暖, 有 26 度水, 能見度嘛 ….. 3m 都叫俾多你呀 !!
一海半水都係沙甸魚 !
呢個金寶綠水真係 … 呢季算係少見到的 ~
落到去嚿石呢, 見到勁多勁密的兔兔蛋, 但就係點都見唔到兔, 好在上水前仲見到呢條咋 … …
轉場火石, 能見度叫做好番少少, 但少至冇流沖擊囉 ~~
潛到落去竟然係小丑林地帶, 都唔敢太貼近, 免得俾 Nemo 們攻擊呀 !
呢潛落到 11.3m, 一共玩左 61 mins, 今次深水同淺水係有水溫差距, 留係深水一點的地方, 真係會潛到有寒意 …
冇幾耐就遇到佢, 而從此鮣魚就長伴我地左右 …
呢度前後其實係 2 條 Puffers 黎架, 其中一條的眼睛好似被侵蝕了, 不太看得到似的, 我可睇住佢撞埋舊石度呢 …
呢條係三鬚小朋友, 細細條但都出晒色了 !
睇番相, 佢隔離都有條 BB 係身邊的魚格格入不的 … …
間唔中都影到靚靚的水底生物 !
一條雞泡, 一條老 Box, 就係呢條老 Box 令我分左心, 隻手指一野拮左落去個海膽度, 好在唔深當晚就俾我用針挑番出黎咋 …
水唔清之間, 收埋左唔少 Wrasse !
佢係 BB 黎, 好活躍, 游得好鬼快, 影佢都可以玩左一陣 !
完成, 上水 ! 日落黃昏下回航 …
