以往中秋前後, 就是本地大藍水之日, 可惜呢日大藍水並不存在, 還真濁得有點模糊不清呢 ~~
溍船直奔果洲, 在載浮載沉間我們跳下了水 …
第一潛直落 18m, 主力徘徊在 11m 左右, 水很和暖, 29 度的水溫, 這一潛玩了 59 分鐘.
雖然水質不怎麼好, 但仍然見到很多款魚類, 正 !
由於水有點濁, 我的電筒又似乎叉不起電而光度有限, 因此要用上 Dive+ 來調一調色, 呢個 apps 真係好堅, 幾模糊的水底相, 佢都有能本事較番出色架喎 !!
無意的一下閃燈, 盡見水中微粒之密集 …
被燒焦了的火燒腰 ?! 一點黃也看不到, 在水中還以為是什麼怪魚呢 ~
有潛友看不到, 也有潛友說看到膩的寶石魚 ….
話說我係度集中影緊一條寶石魚之時, 明明見到佢游走了, 卻又突然見到一條在面前出現, 正在懷疑自己眼花之時, 放眼望了一下周遭, 原來一下子多了十多條寶石魚在身邊穿梳 …
有大有細的, 真係撞鬼囉 …
在影寶石魚期間, 見到了關刀, 下意識舉機一拍 …
仲有影到佢地呀 ~~~
真係潛到好忙, 好鬼多唔同品種的魚呀 !
BB 魚仔都唔放過 …
第二潛都係果洲 !
呢個潛淺淺地咁玩, 最多落到 10m, 沿岸 6 m 左右咁去玩, 足足玩左 87 mins !
究竟佢地係咪同一款黎架, 條尾一條有點, 另一條冇點喎 ?!
嘩 ! 我地係石底搵到佢呀, 黑點土鯆 !
石鬚 與 三鬚 B
呢條 B 游黎游去好難影 …
係水中見佢好靚, 好得意, 原來有個好啱的名 : 四點牙衣 (Hogfish) ..
佢游水游得好古怪, 唔信睇下個 video 丫 !
最搞笑係我地影下影下, 發現原來係 2 條黎架 !
魷魚 與 墨魚 , 唔識分的話, 請自己 google 一下 !
呢度都有無絲帶的藍絲帶 !?
呢張相足見 Dive+ 的威力, 我俾埋原圖大家睇丫 !
佢企定定俾我影, 又無理由唔影喎 !
又係匆匆一見就消失在眼前的蝶 !
仲有佢地 … 我覺得呢一家小丑係擠迫戶來的 !
上水前見到的兔兔, 仲一次過 3 條喎 ~~
上水, 完成, 回航, 意料之外的好天氣 !
