七月尾的海天全日潛, 而家先可以補上記錄 !
日潛我地去左火石, 第一潛落到去 17.4m, 暖水 28 度但濁濁地, 睇唔到 d 咩就番上淺少少玩, 反而有 d 嘢影下喎, 玩左 55 mins !
為何我未見過的蝶魚咁難影, 總係一閃而逝架 …
唉 ~ 我條黑點蝶呀 !
今年好似見番多 D 點的擦子膠 !
拳師蝦, 雖然係 common 嘢, 但見佢擺晒 pose 就影佢啦 !
第二潛見是日水流唔強, 快艇拖我地出去火石邊的小島外, 直落 9.5m, 竟然有點意外驚喜, 玩左 50 mins 左右 !
估唔到呢個位都有個海花林架喎, 靚 !
影佢的原因 : 因為佢真係好大塵咁 …
我又影唔到條 (可能係) 麻包蝶 !
唔同版本的獅子魚呀 ~~
兩潛完成, 回航之時食番碗糖水先, 等待黃昏再出動 !
航行於日落黃昏之下, 再出癩痢夜潛 !
真係未去過癩痢夜潛, 倒有點期待架喎 ~~
第三潛, 夜晚回落到 22 度水, 最深 13.1m 咁玩左 55 mins !
呢晚有發現哦 !
發現小墨正在捕食中 …
呢條中水魚勁難影, 郁得好鬼快, 又難 focus !
呢度收埋左海葵蟹之餘, 仲俾我發現左橙色蝦仔一隻 !
八爪魚的攻防戰, 好活躍的一隻 !
最後一潛, 頂住 22 度凍水再落潛, 最深去到 14m, 但玩左 38 分鐘就頂唔順上番水啦 ~
嘩 !!!! 隻蝦大隻到呢 ….
