漂泊中的魚

My Bruch : Glaric Toast with herbs 非常易整, 一條法包, 一粒 garlic, 少少 margarine, parsley, basil 同 paprika, 再另加一個焗爐, 好快搞掂 !

Conchiglioni Rigati 係呢個大貝殼粉的名 ! 今晚我將 Onion, Mushroom 用白酒 & 白汁煮過, 再釀番入個貝殼度, 配上簡單的香煎三文魚, 又快又好食 !! 

係買節瓜的同日, 我仲買左細細舊豬頸肉, 雖然話細細舊, 都可以分多 5 份出黎喎. 第一次係唐人舖買 Frozen meat, 都唔知得唔得架, 同埋解凍時的生肉味真係好難受 !! 出黎個效果幾好, 我用左 生抽, 老抽, 魚露, 麻油, 糖, garlic, ginger, 香茅 同埋 辣椒仔 黎醃佢 ! 不過可能切得舊肉太厚, 中間唔夠入味, 同埋要焗好耐下, 埋尾用左麥芽糖掃面 ! 相度我放左泰式辣醬, 但我發覺用番醃肉個 sauce 點黎食係夾 D 架 ~  

今晚的晚餐好簡單 : 菜脯煎旦 配上 節瓜瑤柱瘦肉湯  (查實肉唔係太瘦, 搞到要隔油 !) 但最要受注目的係 – 節瓜 !! 撞鬼, 我用左 2 pounds, 即 HK$ 30 買架 !!! 一個 1 kg 唔到的瓜咁貴, 真係 …. 都話人離鄉賤, 但物呢 …. 升價 10 倍 !

今晚好快手咁煮左個肉醬意粉, 見仲有 cheese 係雪櫃, 就用埋黎焗意粉啦 ! 由於太大盤啦 (冇法, 我一次煮左 250g minced beef 同成罐 chopped tomato !), 咁聽日我的 lunch 又有著落啦 !!  

係外國, 好鍾意自己打蝦丸, 確實係好食好多的 ! 而呢味釀豆卜, 我係澳洲時已經不時會整, 要點泰式甜辣醬食的 ~

搞左我一個下晝的海南雞飯餐 : 海南雞飯 : 食譜由一個 Singapore 朋友提供, 我改左少少野咁啦 !! 醬料 : 屋企冇辣椒, 唯有用泰式雞醬 + garlic + ginger 湯 : 呢煲湯勁足料 !!! 花旗蔘, 海底椰片, 瘦肉, 瑤柱, 蜜棗煲成的, 好甜呀 ~~~~  

今日又焗左個 Cheese Cake 啦 !!  真係好鍾意自己焗 Cheese Cake, 因為我鍾意熱食的 ! 個 Cake 入面係濕濕軟軟咁, 就好似梳乎厘咁 !! 我特登切左一件, 同埋個街景影左一張相, 送俾係 HK 見到食唔到的 Friends !! Haha ~

烤脆的 Bread Roll 塗上甜甜酸酸的 Sandwich Spread 夾上煎香的 Sausage 再加點 Mustard. 我今日的午餐 – Mini Hot Dog

  今晚的晚餐 !!