上星期收完米, 第二日又岀動去東平洲 ! 原來唔覺唔覺, 我對上一回去東平洲已經係 2013 之事了, 之前去東平洲都會玩環島行. 今回天氣實在太熱了, 我們一行七人就決定要去東平洲浮潛去 ~~~ 是日天氣好得有點熱過籠, 坐完船踏上東平洲才不過 5 分鐘, 我地就已經想即刻跳入水中降溫. 這天的水質不錯, 未算非常清澈, 但都可以見到底, 入水都有番咁上下能見到, 玩浮潛都算可以架啦 ~ 我們來到殷伯檔口前的沙灘, 即場租用了沙灘傘, 齊齊砌好個陣, 就快快衝入水中 … … 水淺處水溫都暖暖地, 不過好過在岸上乾煎, 只要再往深水區走去, 開始感到腳底有冷流. 事實上, 當日有朋友們去潛水, 一致回覆說水中溫度甚低, 只有…
本期周末好節目, 跟朋友去塱原收米 ! 我冇打錯, 你都冇睇錯, 我呢個星期真係跟左朋友入上水塱原的稻田開工. 好多人都會問, HK 仲有人種米架咩 ?! 答案係有架, 不過唔多人知, 亦唔易搵到咁囉 ! 塱原呢一片米田, 其實係由好多塊農田組合而成, 而呢度的保育工作, 主要就由長春社負責統籌的 ~ 長春社 – 保育塱原 : http://www.cahk.org.hk/show_works.php?type=sid&u=125 是日出發之前, 竟然下起大雨來, 同時卻又見到不常遇上的雙彩紅, 這天我們應該會很幸運的吧 !? 每一回來塱原, 總會覺得這裡的景色非常吸引 ! 第一次來這裡的朋友, 都有點不相信 HK 也有這麼一大片平坦的農地. 事實上, 塱原本來就係一片淡水濕地,…
有時候個人癲癲地, 總會又識著個傻傻地的, 結果仲要約埋班搞笑的, 大伙兒係 34 度高溫下去行山. 原本咁熱就應該只黎個短短地路程的, 點知原來係去行沙頭角紅花嶺那邊, 又要上山, 又冇遮擋位, 仲會迷路的, 真係曬到燶呀 !! 我們今回的起步點, 係沙頭角公路 x 禾徑山路, 沿禾徑山路 (馬路) 行到咁上下, 就有分支往上紅花嶺的山徑架啦 ~ 上紅花嶺電塔的, 係全程泥水路, 非常易走, 不過就要不停勁上斜咁囉 ~ 咁唯有慢慢行下, 抖下, 間中又停低黎影下風景照, 其實都唔會太難捱o既 ! 呢日的藍天白雲真係冇得頂 ! 來到電塔前的一片平地, 其外貌有點似停機坪的模式,…
本星期又下水了, 仲要玩到好盡, 一日四支由日頭潛到夜晚 ! 今回由黃石碼頭出發, 全日都以漁排作基地, 朋友們整理好 gear, 我地就出發作第一潛啦 ~ (是日的蚺蛇尖, 全都躲在迷濛之中 ~) 是日第一潛, 來到黃茅洲, 以往也來過, 這個潛點的好處是較淺水, 不過水質清唔清就睇運數. 黎呢度潛呢, 有好有唔好, 一係好多野影, 一係就悶到傻 ~ 估唔到的係, 落左咁多雨, 呢日的水質都好清喎, 能見到很好 ! 潛左冇耐就見到呢隻點點紫兔了 ! 仲有呢隻紅耳兔 ! 第一潛的其他照片 ~ …
端午節那天, 早上明明天氣很好的, 差不多接近日午之時, 卻又開始烏雲密怖. 本來計劃了行長程一點, 卻由於天氣不佳之關係, 我地改行短一點的行程. 我很少走大埔那邊的路徑, 今回試試由新娘潭路的降下坳出發 ~ 起步初段, 主要都是上山路段, 路況不錯, 而且好像正在通過綠色隧道 ! 來到此路段最高點, 有三角點以及山火瞭望台, 可惜附近樹木太茂密, 景觀都被遮蓋住了 … … 接著又是叢林路段, 泥石路有點濕, 也有點鬆軟, 但未算太難行. 走著走著, 會經過亞媽笏 (無啦啦有個路牌咁奇怪的 ?!) ~ 黎到呢個位呢, 係正山脊位罝, 中間有一方平地, 没有任何記號, 有點似停機坪的設定 !…
我雖然時常往外闖, 但係對 HK 的景點仲係非常有興趣架 ! 本星期實在太熱啦, 未係好去到行山, 咁我地去大埔扮下偽文青啦 ~ 不過要去尋訪散在大埔墟範圍內的法定古蹟, 當然要先吃早餐, 來一份新明發盅頭飯, 再加一粒燒賣, 正呀 ~ 想去呢度好耐 – 舊大埔警署, 如今多了個別名綠匯學苑 (Green Hub). 呢間警署係新界首間永久警署, 建於 1899 年, 期間隨著時代變遷, 其警務用途亦有所不同, 直到 1987 才停止運作. 之後於2009年被評為一級歷史建築, 並於 2010 年被活化成「綠匯學苑」! 我認我係對英式舊建築特別喜愛架, 因為我就係鍾意用紅磚頭砌出黎的樓房 ~ 綠匯學苑 (舊大埔警署)…
近呢年我開始唔再用淋浴乳, 改用手工番梘去沖涼. 本人係一個從來唔講究護理產品的人, 就連面膜都懶得用個種, 不過自從回港定居之後, 呢 2 年開始會係天氣轉變的日子出風癩. 特別於春秋兩季, 手手腳腳會突然非常痕癢, 只要用手抓過就會出紅痕及紅點, 有時會很快散去, 也有會維持數天. 有去睇過醫生, 一致說只能塗潤膚露 及 吃防敏感藥, 結果有一回吃了會有睡意的防敏感藥, 那效力竟然長達 12 小時, 我在睡前吃了藥, 直到起床之時藥效尚未退, 開車上班途中每逢燈位都想睡著, 剛開始我倒没有為意, 只以為自己睡眠不足, 後來才想起應該是藥物的影响, 從此我寧願要捱痕癢, 都唔想再食藥了. 就係咁, 就聽說用手工梘對皮膚的刺激少一點, 會冇咁易起風癩喎, 咁咪試下囉 仲有一個原因呢, 我真係好睇唔過眼, 淋浴液的膠樽次次用完就要掉左佢, 真係覺得有點浪費 ! 再加上如果我要出海時用, 就想用番 D…
本星期跟朋友又為了登山目標而努力, 這回仲行得激左少少, 足足花了接近 9 小時來走完整個行程. 先說明, 這篇真係大長篇黎架, 嚴格可以分 2 篇來出, 不過我實在有太多遊記未處理, 還是快快手手好啦 ! 這次行山有了點體驗, 也因為犯錯而有所得著, 值得要跟大家分享 並 請大家不要重蹈覆轍 ~ 我們在北潭涌乘巴士, 到北潭坳下車, 這就是起步點, 要逆走麥徑 2 段往赤徑. 於北潭坳起步之前, 剛好朋友遇上朋友, 得知西灣附近有山泥傾瀉封路, 可惜當時我倆没有太上心, 結果回程時就得食這個惡果. 這是我們第一個檢討 – 出發前要清楚了解行程上的路況 ! 很順利的快步來到赤徑, 這裡的景色很不錯,…
最近好勤力, 連續兩星期報左跑步 Events ! 如果只係跑呢, 我諗我問題都唔大的, 但當上星期的 10 公里接住一個潛日, 而本星期則行完 9 個鐘山再黎跑 3 公里, 我兩個條腿兼兩個膊頭都攰到快要甩出黎啦 … … 早前買了對新鞋, 我沒有太講究的, 反正我不是時常跑步, 一對平平地可以粗著的就夠玩 ! 第一個 Event 是於上星期由 WWF 舉辦的 “跑出未來”, 就話左我成日會報 WWF 的活動. 事實係我好耐冇去跑步, 諗住報左十公里就會練下啦, 點知 … … 我都係冇練過就去跑囉 !!!…
今年真係有點遲, 搞到成五月尾先黎開季. 呢期有點黑仔, 本來的外潛被臨時取消了, 亦即我差唔多半年冇潛過水啦 ! 我真係餓水餓左好耐囉 ~~ 第一潛來到燕子岩, 呢度係睇咩 ?! 英泥沉船哦 ! 本季第一潛, 没有落到太深, 只去到 12 米左右, 就在英泥堆中尋寶 ! 是日水溫 24 度, 還可以的溫度, 玩足 65 分鐘就會開始有點凍. 無啦啦有呢群珊瑚, 估下會搵到咩 ?! 咪唔同顏色的寶貝螺囉 ~ 呢堆海兔應該係同一品種, 搵到一隻之後,…
就說本星期的行山計劃, 被天氣搞亂了. 這朝早起來就在下著雨, 結果行程在半睡半醒間取消了, 唯有 … … 繼續再睡 … … 結果起來以後, 天氣出奇的好, 無奈哦 ~~ 那就不要浪費好天氣, 出門喝個下午茶吧 ! 這回來到一直想試的 川善茶居, 没想到可以不用排隊等位, 直接入坐. 這店就以綠茶食品出名, 開店之初 HK 尚未有很多地方專售綠茶食品, 如今都算是成行成市, 會唔會因為咁就少左人上黎幫襯呢 ?! 原本想試 Tea set, 後來都係散叫好啦. 一人一杯飲品, 我都幾滿意, 特別係要茶夠香, 但絕對唔可以太甜, 尤其要來配甜食之時. 川善茶居…
本星期之行山計劃差點又被天氣搞亂了, 還好是日堅持出動, 結果一反天氣預告, 不但没有下雨, 就連太陽也出來了. 沿用上回馬鞍山的路線, 以恒安邨上馬鞍山燒烤場作起步點, 打算上山經昂平, 到西貢去 ~ 上回馬鞍山之行程 : http://traveling-fish.tixmart.org/2016/04/28/hk-ma-on-shan/ 没有想到那麼快又來到鞍山探索館, 今回介紹朋友們來這裡坐坐. 這裡的 Cafe 一次比一次有驚喜喎, 上回只喝到樽裝維他奶, 今回有村民一早上山撞出來的豆腐花, 配上自煮薑糖. 或許這裡的豆花很平凡, 所欣賞的是那份用心, 為這個地方做得更好的心意. 第二次到來, 我很想看一下那礦洞洞口. 經當地村民指點之一, 我們走進了支路小徑, 成功來到洞口, 可惜被政府封到尤如地鐵出風口般, 很可惜呀 ~ 站在洞口前, 陣陣涼風由洞中吹出, 真係幾凍下架, 連個心都寒一寒咁 ……