火炭大排檔好多人都知, 拍戲都拍唔少, 但特登黎食的又多唔多呢 ?! 始終佢位置都幾吊腳架喎, 不過對我黎講就非常方便啦, 因為佢係正我住的附近, 加上佢有免費泊車, 想食開車落黎就可以啦 ~ 大排檔劃分為 3 間 (由左到右) : 津津, 泰源 同德記, 津津早係 n 年前我已經 black list 左架啦, 不過我唔記得點解啦喎, 德記係屋企人比較常去的, 對佢的雞粥同糯米飯係幾欣賞架, 但今次我地反而去左少幫襯的泰源 ! 照舊一入去就即刻俾位你, o個日可能閒日兼天氣凍啦, 人唔多, 我地得 2 條友都俾張 6 人枱黎 ! 一口氣叫左雞粥, 炒蜆, 乳鴿, 炒菜, 伙計仲送多碟椒鹽豆腐過我地添 (不過我地最後冇…
呢日我終於有勇氣走去銅鑼灣啦, 番黎咁耐都冇正式踏足過的"鬧市" 呀 !! 11 點左右去到, 時間幾好, 可以唔洗排隊咁去"榮記"食車仔麵 , 入到去先知佢都係o岩o岩開門, 坐底望住佢張好複雜的 Menu, 我真係用左一些時間先可以睇明白佢的標價, 不過唔理啦, 我地各自叫左個四餸的面, 最好笑係寫單的阿姐, 佢好似未訓醒咁, 重覆我地叫的麵底同餸, 係可以一樣都唔o岩架, 開頭我以為係我講得唔清楚啦, 後來睇見隔望枱同佢拗上錯野時, 先知唔係講個有問題, 係聽o個個先係 …… 另外我地仲叫左菜同支裝忌廉, 嘩 ! 咁就搞掂一餐啦 ~ 其實呢日黎銅鑼灣的主要目的, 係要番 UK 前買齊野, 番工衫啦, 鞋啦, 書啦 …etc, 總之係 Shopping 啦 !…
呢日去左睇回港後第二場音樂會, 今次的主角係林一峰 ! 一向都幾喜愛聽佢唱歌, 特別鍾意佢唱 Live 時所表達的感情, 今次的音樂會所玩的音樂元素同類型好似比以往多 , 比起佢一人一結他又有另一種趣味, 而且舞台只以一幅白磚牆做 background, 用投影機將唔同的景物打上去, 簡單得黎又令舞台唔會太過單調.呢個音樂會入面, 佢除左主唱佢新碟的歌之外, 佢再次唱了 "重回布拉格" 同 "離開是為了回來", o係佢以前的音樂會 CD 中, 呢 2 首係我最喜愛的, 今次終於係 Live 度聽到, 依然動聽, 依然感動 … 睇完音樂會. 照舊走到九龍塘食 Dinner, 呢次我地試呢間 "新城潮州飯店" 打冷, 叫左 胡椒豬肚湯, 煎蠔餅, 鵝片,…
由於尋日玩得太過, 加上星期日的HK 到處都係人, 一整日我都hae係屋企冇出街, 直到下晝 7 點多要食晚飯啦, 天寒地凍, 冇野好得過食番個熱辣辣的煲仔飯架啦, 於是我捉埋阿媽開車入大埔食陳漢記啦 !! 我家以前都有食開呢間的煲仔飯, 我都好一陣子冇黎, 似乎多左好多人黎食咁喎, 唔知係咪雜誌的威力呢 ?! 我地差唔多 8 點到, 好多人等位, 但翻枱都算快, 所以都好快有位坐 (期間有少少混亂, 個侍應派飛但又唔依 No, 佢一個人跟本睇唔切咁多枱), 不過落左單就要等好耐先有飯到, 起碼有半個鐘, 所以千其唔好搞到好肚餓先去食呀 ~ 對於要等咁耐我係冇乜所謂的 (因為我去到時唔係太餓), 而且呢度的煲仔飯確實值得我等, 我要左個白鱔排骨飯, 白鱔又肥又滑, 排骨都好好味, 係自己衰一手倒太多豉油, 搞到太多飯黏鍋啦 !! 至於阿媽就要左個黃鱔滑雞飯, 都好好味架 !!!
初三的早上, 我開左架車入東涌, 今日約左一班親戚一齊入大嶼山食齋. 一朝早的東涌十分清靜, 昂平 360 亦未見人潮 (嘩! 回程時見到條人龍好長呀, 之後係新聞報導話車票提前售罄添, 呵! 早知我都去玩下啦 ~), 係11 號大嶼山巴士站等齊人, 一行13人就出發, 先去觀音寺走走, 影下相, 跟住 11 點左右再去靈隱寺食齋. 好耐冇坐大嶼山巴士啦, 巴士感覺新淨左(但其他人唔同意喎 !), 單線雙程的路線依然難走, 不過沿途所見, 似乎起緊新路喎 ! 有點意外係由東涌入大澳要 $18, 感覺蠻昂貴呀 … 到左觀音寺, 好典型的廟宇設計, 最適合我影低相, 再番去同同事分享一下啦, 所以我好盡情咁係度玩自拍, 互拍, 同影大合照啦 ~ 之後我地行到去靈隱寺,…
年初二, 悠閒的我已經唔洗去拜年啦, 咁我就去左屋企樓下的沙田新城市食番個 Lunch ! 番左黎都有 4 星期啦, 但真係冇乜點黎呢度, 即使去都只係揀閒日放工前, 星期六日我係一定唔會去架, 只係泊車都要排隊, 你可以想像個商場有幾多人啦 ~ 呢日我差唔多 1pm 去到, 去左 2 年未去過的 Pokka Cafe 度食飯, 只見佢舖位搬左去對出的廣場, menu 都係 updated 過, 多左幾款唔同的鐵板食品, 是日 set lunch 都有 2 個鐵板餐, 唔少顧客都有 ordered, 但我反而要左個 日式咖喱炸蝦飯, 而老表就叫左 韓式牛肉泡菜炒飯, 另外叫左 2…
大年初一, 一早就入屯門同婆婆拜年, 仲有就梗係去食婆婆的出品, 最受我地歡迎, 非常好味的南乳炒齋啦, 連我個排骨細佬都會因為咁肯食番碗飯呀 ! 食過開年飯, 坐低飲番杯茶, 開始等各家親戚自動送上門, 不過等左 2 個鐘左右, 我開始發呆, 加上婆婆家只有一座暖風機, 我同細佬直頭縮左o係o個度唔郁, 因為我同佢都係慣左有暖氣的人, 我地慣到咁凍的(英國)天氣, 但絕對唔可以冇暖氣架嘛 !!! 就係咁我下晝決偷走番屋企, 等夜晚夠鐘先再番去食團年飯, 不過中間呢想襯住旺角今日會少人d, 所以出左去行一轉, 今年番黎都未去過旺角, 我真係仲未有咁的適應能力呀, 好在呢日出去的人流仲算接受到, 所以即使好多店舖都未開, 我都可以安安樂樂咁行 2 個鐘, 我仲食左 d 街頭小食添呀, 有 牛雜, 炸大腸, 咖喱魚旦 同 炸魷魚鬚…
年三十, 又要再一次去九龍城, 因為新買的眼鏡, 竟然唔夠一日就斷左喎, 仲話係 Titanium 添, 好在老細肯換番個俾我咋 ~ 今次我地本來打算去試清真牛肉館, 但係真係好多人等位呀, 由於我地太肚餓等唔切, 結果去左隔離幾條街度食大婆牛肉麵, 以前未食過架, 叫左牛肉麵, 酥炸排骨麵 同埋 雲吞, 嘩 ! 唔怪得要 38 蚊碗, 佢 portion size 都幾大架喎, 食一碗都好飽下囉 ……….. 食飽我地就要行下買埋團年飯的甜品 – 湯丸, 阿媽好堅持要自己包, 但我見度相入面呢盒咁 old school 包裝的湯圓, 點都要買一盒, 佢要包麻蓉, 我唯有買包小的豆沙湯圓啦 ! 而呢枱一張…
今日係年廿九, 難得細佬放假又得閒, 捉埋阿媽老表一行四人, 去左紅磡海逸酒店的爐端燒日本餐廳 (Robatayaki) 食 Dinner ! 環境唔錯, 我地入到餐廳最裡面, 大廳中有一張 20 人座的大枱, 雖然滿坐但都唔會覺擠迫, 亦唔算嘈吵 (反而有時係我地笑得太大聲!), 我地的大前方, 就放滿食材同望到師傅係度燒食物, 師傅身後仲收埋個啤酒雪櫃添架 ~ 服務質素係HK 黎講算唔錯, 個個侍應都文文靜靜咁, 唔會太大聲講野, 態度都幾好, 過黎倒茶換碟的次數算適中, 唔算太頻繁, 不過佢地就唔係太留意客人動態, 次次想叫野食, 都要左望右望, 等一輪先搵到人埋黎serve. 至於師傅呢, 非常有禮貌, 手勢梗係一流, 只係睇佢串食物 (特別係串全條魚同油甘魚頭) 同埋落調味料的手勢, 好似個Show 咁, 真係非常…
再次番到 HK 的第二日, 要去九龍城取眼鏡, 咁就係o個度食埋 Lunch 啦 ~ 今次冇做咩 research, 隨便去左間越南餐廳, 叫左: 香茅豬扒檬, 越南春卷, 牛肉濱海, 同一個好普通的越南炒粉, 老表仲叫左個 滴漏咖啡. 食品普普通通咁, 冇咩驚喜, 不過好一陣子冇食越南野, 咁咪係番UK 前回味一下啦, 不過咁又 $ 200 啦 ~ 攞左眼鏡之後, 仲周圍行下先, 見到公和老店, 咁不如入去食番個豆花啦 ~ 老店店面的裝修依然非常懷舊, 仲見係用古老大缸黎整豆花, 我要左個只有星期六, 日先有的芝麻黑豆花 ($12), 灰色的豆花, 我真係第一次食咋…
呢日又係遊客之旅, 今次我去左中環, 其實我幾鍾意去中區行下, 每次番 HK 都會去中/上環一帶行下影下相, 今次呢我就純粹想去中環食下野, 影下一些非常有英國殖民地色彩的建築物, 打算帶番 UK 同同事們分享下 !! 我係英國咁多年, 問過好多本地人, 發現佢地好多都只係聽過 HK 呢個地方, 但就唔係咁多人真係去過喎 (即使到過, 都可能係匆匆而過, 只用作中轉站去其他國家) , 而我的同事就對我呢個出生地好有興趣, 成日問我 HK 係點 (佢地唔明我地點可以住到 20 幾 30 層樓咁高, 又唔明 1 梯 8 or 16 伙究竟係點), 咁今次借住番 HK 放假, 就影多 D 相俾佢地睇下啦 ~…
夜晚, 我地一行 3 人又開車出發啦, 今次係去布袋澳食海鮮呀 !! 以前係 HK 都時不時開車兜風到呢度, 但食海鮮就真係只得一次, 仲要唔記得係幾耐之前囉 !! 今次我地選左去 '海鮮島" 度食, 原因只係佢比另一間開揚, 一眼就見到佢的魚缸啦 ~ 今次我地叫左 鹽焗雞腳, (以下依相的次序) 豉椒蟶子皇, 豉油王大蝦, 上湯琵琶蝦, 椒鹽瀨尿蝦, 胡椒蜆湯, 蒸象拔蚌 同 蒸桂花蚌 ! 嘩 !! 好鬼新鮮呀, 好好食, 份量又o岩o岩好, 唔會食得太飽, 呢度老闆娘仲有整年糕賣, 幾好食架, 但唔放得耐, 所以我問左佢會賣到年初幾, 新年前再去買…