Hermaness 係 Unst 最北面的頂端, 屬於 National Nature Reserve, 地型係一個半鳥, 所以有好多 Cliffs 俾雀鳥棲息, 其中最高點係 The Neap (170m). Hermaness Area 有超過 100,000 sea birds 以此為家. 當然呢度最出名的去睇的就係 Puffins !!!
Hermaness 入口, 上行係停車場 & 行山起點, 下行係燈塔, 同時亦有 Information Centre.
由停車場往下拍所見到的 Light House
Hermaness 可以話係山頭一個, 雖然有指示教你點行, 但非常唔清晰, 所以好容易會唔小心咁行入 Skuas 的領地 !! 如果係咁就會俾 Skuas attack, 你要做的呢, 就係高舉& then 揮手, 一邊離開o個個 area. 只要唔俾佢打中頭, 都應該唔會太痛的 (我諗 ~).
而且呢度的土地非常濕 (特別係前一日仲落左雨), 呢度有好多大大小小的水潭, 仲有更多俾野草遮住 or 掩飾左的泥沼, 一個唔小心你就會中招 !! 以我一身非常唔專業的打扮, 我的結果係一腳係泥 and 濕透的鞋襪 !! (好好笑, 我怕俾雀 attack, 我仲帶左一支半滿的 1.5 L 礦泉水水樽去行山 !!)
咪以為呢度天朗氣清你可以掉以輕心, 山路初段要上上落落, 又唔太大風, 所以你未必會覺得太凍 ! 只要你一去到山崖邊, 風大到可以吹郁你, 仲會非常凍, 我一共著左 4 件衫先剛剛頂得順 !! 基本上個個係呢度行山的都著到好似隻糉咁架啦 ~
行山起點, 要通過一個羊閘 ~
初段的山路間中有木板 bypass 泥沼, 係幫到少少忙, 但最後都逃不過對腳濕透 !
大大小小的水潭, 但同時係呢度的雀鳥 & 羊的水源 !
遠遠見到 Skau 係度休息, 咪睇佢咁悠閒, 佢係度睇實你有冇入到佢地盆架 !!
雖然我係一個人去, 但都知道唔好一個人行山 ! 咁係 Car park 遇到一對老夫婦, 我就厚住臉皮咁問我可唔可以 join 佢地一齊行山, 而佢地亦好爽快咁答應 !! 我本來就 plan 左會係度行一日山的, 所以我就有一整天的機會同呢對夫婦傾計, 佢地好 Nice 同 Friendly, 同我講左好多有趣的故事 !!
單憑外表, 你絕對估唔到, 佢地已經係 70 到尾架啦, 身體非常 fit, 一身行山裝束另加一對望遠鏡 (haha, 婆婆好好人, 成日借我用 !!), 非常專業 !! 佢地已經係第三次黎呢度行山, 家住 London 外圍, 駕車一路殺到上黎 Shetland, 單憑呢一項, 我已經非常佩服 !!
佢地已經退休, 伯伯係律師, 婆婆係大學教師 (主要教 Biology), 可以話非常有學識, 特別係婆婆對雀鳥的認識, 雖然佢堅持自己係外行, 但我都學左不少野 !! 伯伯呢, 話就唔係好多, 但有時又好幽默, 同佢地一齊你會覺好自在, 咩都可以傾一餐, 呢樣其實係幾難得架, Travel partner 本就難尋, 仲要係偶遇而夾到, 就更難啦 !!
佢地就係呢個行山 trip 的 partner 啦 ~ (見到我支水 同 阿 Dull 冇 ?!)
差唔多行左一個鐘先攀過山頭, 去到 Cliff 頂 / 海邊 ~
非常識嘆的羊, 佢地真係成日懶懶閒咁訓係草地架, 係我地行近少少佢先會移開 !