下午 3 點多, 我地開始起程回 Christchurch, 離開 Kaikoura 後, 沿著海邊的 highway 有幾個景點可以停低影下相的, 第一個就係 Kaikoura 碼頭附近旳一個灣, 我地停低都係只為走番上 Highway 去影上面呢張相 
, 但我地行落石灘後, 搵到個仲好玩的遊戲, 你地睇下張影子相, 係咪發現多左個團友呢 !?
冇錯, 我地帶左阿 Pooh 落車, 仲迫佢係石灘度做 model, 俾我地係咁影 !! 我地要佢"坐" 枯木上做唔同姿態, 又要同我地合照下, 仲間唔中影下 the making of, 真係好忙架 —- 我地 ~
離開呢個石灘, 我地 Drive pass 一個路邊 Fruit & Veg 店, 雖然佢的 Cherry 唔係特別靚 同 平 (我係以o係 NZ o個幾日食到的 standard 黎計), 但都忍唔住買左包, 一邊開車一邊食 (我係開車, 團友係坐車), 最激死係阿團友鴨次次話就到彎位唔俾我食, 大姐呀, 沿海邊的路點會冇彎位呀, 咁咪即係成程唔洗食 !!?? Haha, 好彩我都唔笨, 一停低影相, 我就即刻食定幾粒先 ~ 呢條海邊路仲會過幾個短短的山洞, 來回方向各自行一條, 感覺都幾窄下架 ~
經過左以下個急彎後, 我地又停低架車係路邊, 往後走回 Otumatu Rock Wildlife Reserve, 我地今次係 Kaikoura 見到 whales & dolphins 之外, 仲好近距離見多一種 wildlife, 你地留意下第四張相, 大石頭之下有幾個黑影, Zoom 埋 d 其實係幾隻好懶惰, 肥騰騰的 Seals, 我地走到好近 (我未試過 wild 的都可以走到咁近睇架 !!!), 佢地都好似冇反應, 所以即刻就位同佢地影左幾張合照, 但當我影其中一張時, 可能動靜大左 d d or 佢地已經煩厭我地, 其中一隻突然向我 (地) 大吼一聲, 真係俾佢嚇死, 不過之後佢又好悠閒咁趴番低訓喎 ………..
