係 Kaikoura Winery 飲飽食醉後, 我地開番架車落 Town Centre, 泊係沙灘旁, 準備行下街啦 ! 呢個位於海邊的小 Town, 有個非常長個 view 非常靚的灘, 非常適合飯後散步, 小休, 影相, 甚至好似我咁係度訓架, 但有一點失色的地方, 因為呢個係石灘黎的 ! 仲有呢度浪係好鬼大架, 不過可能係關天氣事o者 ~
Kaikoura Town Centre 係一個幾細的 Town, 1 條大路就係所有商店餐廳所在, 由於佢呢度睇鯨魚同海豚實在太出名啦, 好多 Building 的外牆都被畫上一幅幅鯨魚/海豚的畫, 我將佢地一一影低, 仲用左黎做我電腦做 wallpaper 添呀 !
除左畫, 仲有好多店舖的 logo, 招牌上的模型, 都會有海洋生物的蹤跡, 你睇下其中一間餐廳大門上有條幾大條的銀魚 !!!!!!!!!
小山上有間 Church, Church 的建築好有熱帶小島 feel, 由小山望番落去, 仲可以睇到成個海灣添呀 ~
外國的海邊, 最常見到的, 一定係海鷗, 仲係要好令人討厭的海鷗, 你睇下無論係石灘, 小廣場, 車頂 定係 咸淡水交界, 都會見到佢地係度等 ……………. 食 !
