一如前文所講, 我係帶埋四葉妹妹一齊南下去 Day Trip 架 !
一到 Castle Combe, 四葉好妹妹已經急不及待咁要影相 !
四葉妹妹手指指咁話 : "嘩 ! 小Town 本來好安靜架, 但點解個涼亭突然咁多人的 ?!"
一轉頭, 四葉又衝左入去別人家的花圃度, 叫住我幫佢影相啦 ~
o岩o岩影完紫花花, 跟住又要同黃菊花影囉 
!
轉個頭, 佢又係花草中狂奔呀, 小心呀, 咪叉錯腳跌落街呀 ~
喂 … 四葉妹妺 !!! 呢堆係花, 唔係葡萄子黎架, 唔食得架 ~~ 唔洗咁開心呀 ~
呢個係掛係人地門口的綠草波波, 百厭的四葉妹妹爬左上去當韆鞦咁玩呀 …..
走前佢仲要坐係雪糕筒上影多張相 !!!
上到車四葉佢都唔坐定定, 走左去波棍度, 阻住我朋友開車, 我朋友都冇佢咁好氣呀 !
到我地去到油菜花田之時, 四葉妹妹就更加興奮啦, 開心到佢丫 ~~
先要影張開心相先, 嘩 !! d 顏色真係夾得好靚呀 ~
喂… 四葉妹妹, 你做乜爬左上去油菜花度呀, 你太重啦, 成朵花 "the" 左落黎啦 ~
回到朋友家, 唔定性的四葉妹妹又四處亂闖, 一下子爬左上花盤度 … 我真係辛苦呀 ~
咦 … 四葉妹妹發現左 d 咩呢, 個樣咁疑惑的 ?!
原來佢坐左係溫室入面個地球儀上面, 哈 ! 佢係未見過地球儀, 唔知係乜都照爬上去 !!