咩叫禍不單行, 咩叫衰開有條路呢 ?! 今日充分表現係我身上啦 ~
上星期架車先壞左 gear box, 都未整番, 今日佢同我玩爆軚, 仲唔係小野喎, 係爆到冇左半條軚氣, 入左後備 gas 都漏番晒出黎o個隻, 至於究竟係尋日放工車過左 d 野 or 尋晚俾人蓄意割爆, 就真係冇人知啦 ?! 爆軚都未算大鑊, 係換唔到條後備軚先麻煩, 因為用黎拆車轆個 alloy key 早o係舊年已經唔見左呀 !! 英國唔同香港, 呢度 d 車房真係好鬼廢架, 我打電話問左 3 間換軚的車房, 一致都話冇左個 key 佢地換唔到喎, 即使我話你地拆爛佢, 我俾錢換過 set 都話做唔到 !! 最後又要番原廠整, 仲要冇即日 book in, 要聽日先可以整到喎, 車 … 換條軚要幾耐呀?!, 車軚 70 pounds 連人工, 1 set alloy cap + key 只係 26 pounds, 但人工就要收我 18 pounds, 前後又唔見左 114 pounds (差唔多 HK$ 2000) !! 冇啦, 呢個月貼埋都唔夠俾呢堆修車錢啦 ~~
都仲未完喎, 我下星期一早俾晒錢係 Plan 晒去旅行 (咁先衰多2 錢, 乜錢都用盡啦 ~), 偏偏收到 email, 係一份我好想 in 的工下星期三叫我去 interview, 唉 ~ 我去唔到唯有死死地氣打去同人地 manager 求下情啦, 可惜都係改唔到期, 唯一比較 positive 的係佢地有意再請多個, 會係 1 or 2 號再通知我, 如果 confirm 左會叫我再下一個星期去 in 囉 …….
雖然今日係真係好黑仔, 但總算有件開心事, 今晚要同一個同事 farewell, 去左間意, 中, 印 3合1式餐廳食飯, 一枱 8 個人 (雖然有 2 個不受歡迎人物), 大家都好開心咁講笑, 講 office 是非同大老細的壞話, 咁開開心心食一餐飯, 狂笑狂食, 確實可以沖淡好多唔開心的野, 尤其近排 office 之內太多風風雨雨啦, 大家的壓力都好大 ~