完成 City Wall Walk 之時, 天色更加陰暗, 看來應該快要下雨, 經過整個朝早的"運動", 我地急不及待地走到古城北區搵食 (即好多窄長樓梯o個邊), 當我地走過其中一條小巷時, 見到一間怖置得頗為精緻的小餐廳, 看過 Menu 覺得食物都幾吸引, 好 ! 就決定呢間啦 ~
入到餐廳, 選了唯一的窗口位置坐下, 外邊就係人來人往的小巷, 平時極唔喜歡坐門口當 Display 的我, 今次卻毫不反感, 坐係窗邊留意下身邊路過的行人, 又幫四葉妹妹影番幾張以街頭作背景的相, 好一間令人感到舒適的餐廳 ~
飲品方面 – 原來呢度的 Lemonade 係用新鮮檸檬汁, 混入 soda water, 附砂糖咁上枱的, 比 HK 的檸水更重檸檬的香味, 酸酸的味道要混合砂糖來平衡, 非常不俗 ! 食物我地選了 : 炆牛肉燴長通粉 同 白汁鮮蝦菠菜意粉, 2 種味道都係偏濃的, 但相當美味, 用面包來配淨餘的醬汁, 最後餐碟被抺得乾乾淨淨 !
離開餐廳, 密集的細雨持續, 古城內無太多地方可以避雨, 剛跑入一家雪糕店買了個餐後甜品, 就乾脆站在旁邊一個維修棚架下, 邊吃著雪糕, 邊期望雨會停下, 可惜結果剛剛相反, 雨越下越大, 我地都失去繼續逗留古城的興致, 還是回酒店休息一下, 游一下水好了 ~
大雨下的 Big Onofrio's Fountain & Church of St Saviour
匿藏於 Church of St Saviour 旁的小巷, 1317 年開業至今的Pharmacy, 尚在營業中
