New Zealand Trip Day 12 @ Wellington

前一日乘船離開南島, 傍晚時份到達了北島的港口 – Wellington. 晚上, 累得半死的我匆匆將車泊到專區, 再趕到 supermarket 買了些糧食及水, 就躲在舒適的 YHA 中睡覺, 跟本没有機會四處閒逛.

這天一早離開 YHA, 就是要為 Parking 加鐘, 否則時間一過就會被抄牌, 有時候有車就有這種麻煩, 特別當身處鬧市地區. 處理好行李及泊車事宜, 慢慢沿著海旁散步, 住市中心走去, 中間穿越了海邊公園 Frank Kitts Park Lagoon, City to Sea Bridge 同 Civic Square, 經過某 Square 時, 還要買了杯當日書店 Cafe 特價的 Cappa, 邊行邊飲真寫意 ….

 

走在購物大街 Lambton Quay 上, 找尋隱藏於橫街中的 Wellington Cable Car Station, 買了張來回票, "do" 票入閘, 感覺非常 HK !!  由車站到纜車本身, 同 HK 的纜車都何其相似, 只是上山的距離比 上 HK 山頂的短, 而且没有那麼斜 ..

上到山頂, 除了可以 overview 不錯的 Wellington City 景色外, 還有 Wellington Cable Car Museum 及 山頂公園值得走走. Museum 係免費的, 而且可能人流比較少, 我遇到非常友善的响導, 佢由頭到尾帶著我講解 Cable Car 係 Wellington 的百年歷史, 新車與舊車的唔同 及 幫我影下獨照咁 ~ 就睇過纜車的運作, 似乎跟 HK 旳係同一個原理喎, 而且款式咁相似, 唔知係咪 2 者都係同一間瑞士公司製造的呢 ?!

Museum 旁邊是 Wellington Botanic Garden 的入口, 非常綠化, 最好可以閒逛來 relax 一下, 有趣的是內有 3 座 Observatory, 哈, 要咁多黎做乜呢 ?! 我拍下了其中一間有大炮的, 唔知係咪呢間係最重要架呢 ?!

 

下山以後, 繼續於市中心四處亂闖, 經過了一所 Bear Bear 熊店, 又到銀行肉痛地交了罰款, 連櫃台服務員都忍唔住講了句 "嘩 ! 呢張貴野黎喎 !", 搞到我哭笑不得, 對她補了句 " 係呀 ! 我到步第三日就創下如此佳績 ! Haha ~".

沿 The Terrace 走到盡頭, 就係 Parliament Buildings, 灰灰的石頭建築, 加上旁邊設計老套的幾橦樓宇 (有如 HK 舊政府建築 …), 令這個 area 都顯得舊舊的, 但一眼就看出是 Government Buildings !

 

由市中心回轉到海傍, 走進 Te Papa 這個 NZ's National Museum, 內裡展品非常豐富, 種類繁多, 而且還不收入場費, 怪不得自1998 年開幕, 已經吸引了大量遊客來參觀, 我亦看過不亦樂乎 !! 花了 2 個多小時走遍每一個展館, 如果時間許可, 我想還可以再留久一點, 但下午要起程到 Rotorua , 唯有走馬看花地將餘下的地方走完 …

離開 museum 前, 先到附屬的 Cafe 食午餐, 我不得不推薦一下這間 cafe, 雖然走 counter order 的快餐路線, 但餐廳裝修, 食物種類 及食物品質都相當不錯, 我點了一個 Salmon fish cake, 非常美味, 而且所配的 Salad 非常 refreshing !

 

慢步走到泊車處, 天色開始轉好, 有點放晴的跡象, 沙灘上開人多起來, 連大草地上都多了遊人, 有的在放風箏, 有的玩高橋, 有的只是在晒太陽, 令我真想多留一會兒, 可惜再不起程, 天黑前到不了 Rotorua, 那時便麻煩大了 !!!

Leave a Reply

%d bloggers like this: