HK : 木工二年班 @ 青春工藝, 土瓜灣

 

本星期有點失落, 因為我已經唔洗去土瓜灣上木工堂了 !

一連十二個星期的木工二年班, 已於上星期完成, 計埋一年班上左十二星期, 我都勉強算學左半年木工.

老實講, 真係越玩越鍾意呢門手藝 !

上回一年班的介紹 : http://traveling-fish.tixmart.org/2015/12/29/hk-ching-chun-warehouse-02/

 

二年班的課程, 跟一年班有點不同, 不用再上基本工練習, 第一堂就直接開工 !

我們花了三堂左右來砌相中的木架, 這個底架很實用, 大部份枱枱櫈櫈都可以用上這個底架.

 

搞呢個枱面, 又用左兩堂去囉.

茶几仔的枱面, 係用 4 塊卡板砌埋而成, 厚度不一, 長度不一, 砌好後都花了不少氣力才刨平個面 !

 

刨靚個面, 就要用砂紙磨滑 !

嘩 … 我簡直就係磨到入左迷, 拿住張砂紙係咁磨, 磨左足足一堂 !

 

張茶几仔個枱面, 要磨到用手摸都模到滑滑咁, 先收貨 !

放到房間中, 顏色都幾襯丫 ?!

不過好友已經認左投了, 要俾佢仔仔用, 遲下做埋少少手尾就可以交貨 ~

 

完成一件, 就要接著開工做第二件 !

嘩 !! 呢件野要足足準備十二條木, 又鐅又鋸, 呢兩堂真係出晒氣力了 ~~~

大家又估下呢回我地整緊乜野呢 ?!

 

好不容易, 底架終於成型了 !

不過個榫鐅得唔夠直, 所以個架都有少少歪埋一邊 … …

拿 … 呢 D 咪係手工囉, 真係要多做多練習先夠準成 !

 

 

睇相, 大家都應該估到我們正在製作小型版的高櫈 !

咁搞掂個架, 就要準備櫈面了 … …

呢個櫈面呀, 令我俾同學仔們取笑, 因為我死刨爛磨, 搞到個面越磨越薄.

不過只要我將個櫈面摸在手中, 就會不自覺拿起砂紙去磨架啦 … …

 

看 !  將櫈面 “揼” 上去櫈架之一, 張高櫈就成型了 !

哈哈, 我真係好滿意自己呢件出品架, 真係滑一滑架, 連櫈架都俾我磨圓埋哦 ~~~

 

 

 

上完最後一堂, 我們一班同學跟龍仔師傳吃了一餐雞煲謝師宴 !

很高興在這個木工班中, 識到一班又好玩又有共同興趣的朋友, 真係次次上堂都笑到肚痛架 ~

雖然我理應繼續上三年班的, 但三年班要玩創作, 暫時我未諗到要整咩出品, 今期就先要停一停了.

等我諗到想整乜野之後, 我就會再報番呢個木工堂架啦 ~

P.S. 呢間雞煲真係幾好食, 用料新鮮有質素, 有機會去探下龍仔師傳時, 又再食下先 ~

6 thoughts on “HK : 木工二年班 @ 青春工藝, 土瓜灣

Leave a Reply

%d bloggers like this: