於 2015 年的最後幾天, 跟大家分享一下, 我今年開始鍾情的小手藝 … … 木工 !
記得年初我到土瓜灣上了一個興趣班, 花了 4 堂共十多個小時, 成功製作了一張全木的入榫小板凳.
http://traveling-fish.tixmart.org/2015/04/26/hk-ching-chun-warehouse/
自此我便愛上了這門手藝, 在排了一陣隊之後, 我自九月起開始了每星期一堂, 下班後就去上木工班的生活 ~
由於這是一個木工長期班的初班, 我們一切由基本學起.
課堂第一課, 要學木工, 那就先由認識木材開始, 龍仔就先帶我們去古洞的志記鎅木廠參觀 !
志記鎅木廠面對著時代的變遷, 經歷一次又一次的迫遷, 如今已成為 HK 最後一家鎅木廠.
而再次要面對新界東北發展計劃, 那鎅木廠究竟仲有冇得留低呢 ?!
門口的一堆工藝作品, 都是老闆的創作, 很有心思, 也有點自娛 ~
我在大門一角, 找到了一堆有點發霉的爛木頭, 原來是從碼頭回收來被海水泡得發爛的木樁, 不知如果真的要重用, 又應該如何處理呢 ?!
不同品種的木材, 顏色不同, 質地不同, 軟硬度也不同, 就連那陣木味也不同, 真是種很有個性的材料 !
在龍仔的帶領下, 我們步入木廠內 … …
廠內陳設裝置, 亂中有序 ~
說得是鎅木廠, 一把巨型電動大刀是必需的吧 ~
看著那塊巨型刀片, 心也真的寒一寒呀 !
跟老闆走上二樓, 邊走邊聽老闆說故事.
老闆是位很健談的人, 所述說的故事也很有趣, 卻對老闆將要面對的難題, 予以無奈 ~
畢竟我也只是位初哥, 對木材也没什麼要求, 反而我享受的是製作過程那種專注 及 放鬆 !
由第二堂 到 第六堂, 都係去認識 及 學習使用不同的木工工具 !
對呀 ! 真係由開工到落堂, 2 個小時都在練習如何使用一種工具.
唔會悶, 因為專心, 同時就將個腦放空, 不過對手同腰骨有時會好攰咁囉 ~
一堂時間, 我們搞出一支木匙出來 ~
呢件作品, 仍在家中待埋尾 …
係呀 ! 我唔太滿意木匙未夠光滑, 要繼續磨 , 磨, 磨 !
最後三堂, 我們要用相中的三塊木板, 砌出一張木凳來 ~
全人手製, 木板的六個榫位都是又鋸又鑿的弄成, 上完呢一堂, 第二日手都軟埋哦 !
當木凳的榫位完成並上好板, 那基本上算是完成了, 接著就要美化這木凳, 那用木刨刨滑 及 用砂紙打磨就是必須的了 !
搞左我一大輪, 作品算是完成了 ! (其實我覺得外表可以再磨得滑一點 !)
初班我算是完成了, 但技術當然係半桶水啦 !
手工藝是没得騙人, 除了天份就一定是要努力, 才可以使用工具時更純熟.
悄悄告訴大家, 我已經在上中班了, 作品嘛 … … 還有努力中 !
遲些再同大家分享吧 ~
你呢個算係速成班，我中學學咗三年㗎。
係興趣班啫 ~
真心覺得張木凳靚呀!!! 特別係那些榫位 配得好靚~~~
謝謝, 都係師傳好 !
中国传统红木家具的灵魂就是榫卯结构。整套家具甚至整幢房子不使用一根铁钉,很厲害。這个入榫的技巧是小學五年级的木工堂課程,這麽好的課程卻被什麽电腦去代替,都唔知 d 官想乜!鱼的 d 成績我俾你90分!好叻呀你!
我覺得木工好玩在, 樣樣要落手落腳, 又可以好專心咁
喱張新木凳都幾摩登幾靚喎,有冇試坐過?
上次果張仲有冇擺在家定送了給朋友?
有呀, 而家放左係廳, 朋友黎都多張凳坐下 ~
另一張係房, 契女洗手要用黎企高 … -_-“
請問幾時再有一年班, 好想報名參加, 同埋有冇年紀限制, 我係退咗休既老人家.
冇限, 不過天氣咁熱, 可能係舖會辛苦點 !
你整得好靚！好有原木感，今年有冇開班？我想做你師妹！可以俾資料我嗎？
你可以去佢地 Facebook 睇睇 : https://www.facebook.com/chingchunwarehouse/
請問如果報名和上堂時間
佢地好似冇教了, 我都轉左去另一度上堂
考慮下搵我而家呢個師傅丫
http://traveling-fish.tixmart.org/2019/04/24/hk-woodwork-01/