早就說到東壩大熱中, 作為我呢期連續第三次出潛之潛點, 今回黎到已經成海都係船, 至少五架潛船已經駐紮在這兒, 可以想像到個海底有幾熱鬧 !
淺水位下潛, 水溫都係好鬼凍, 最深只去到 6.7m, 平均 4 m, 但水溫都只係得 23 度, 勉強玩了 55 分鐘啦 !
有可能呢日海中太多人, 不少之前可以見到的魚類都看不到, 我只勉強影到以下的魚魚相片 … .. 之但係呢 … 同行潛友竟然係度遇到漁護署早排放生的海龜呀 ! 勁 !!
佢真係又八卦但又怕醜, 又要望下我, 但又要快快游走 …
對番本魚書, 佢應該係 金尾雀鯛 (Damsel) 黎 !
我要問書 ! 我對左一輪都對唔出黎, 銀色魚真係對佢唔掂 !
呢條花頭梅同我地玩捉迷藏玩左好耐, 呢度石縫躲完, 就藏到另一個石底, 幾難先影到以下幾張相 !
洗唔洗游咁快呀你 ?!
呢一潛好在仲有佢地俾我影下 ….
第二潛轉移至伙頭墳洲 !
呢度水溫再凍一點, 得 22 度水, 落去係 4 – 6m 間徘徊, 試圖找出藏在這片水域中的海馬 !
可惜真係好鬼凍, 搵下搵下都冇乜心機, 唔夠 50min 就上水了 ~
一落去在大石邊, 竟然搵到食用裝大藍蟹一隻呀 !!
沙地可以搵到以下呢堆魚魚 …
望佢頭細細咁, 點知游左出黎先知係咁鬼大條呀 !!
佢地係度密密傾咁, 似唔似係度開會呀 ?!
係呢度可以搵到好多 BB 呀 !!
佢係 Filefish BB 呀, so cute !
呢條 Puffer BB 可以話係呢一潛的 Highlight, 如果唔係我想同佢玩陣, 應該一早上左水了 !
的的骰骰咁成粒波咁, 好鬼可愛又有點笨鈍咁, 仲要有一對看著無辜的大大眼睛, 真係好得意呢 ~~
好鬼凍的兩潛完成, 收工 !
