上個月的水質都似乎麻麻, 個水底亦似乎很安靜, 呢日的尖洲都係一貫冇乜好影, 咁就純落兩支當水療囉 ! 第一潛 : 尖洲, 27 度水潛左 62 mins, 冇去深水, 最多 9.5m 咋 .. 呢一潛向爛頭排方向, 但除左幾條魚, 咪繼續都係呢幾條魚囉 … 中途加映, 呢個好眼瞓的人仔生日 … 朋友買埋迷你生日蛋糕賀一賀佢 ! 第二潛都係尖洲, 今回再熱一點的 28 度水, 潛左 60 mins 就放棄了 …全因水中真係靜過鬼呀 !!…
HK : 又係冇咩睇之兩潛 @ 尖洲
HK : 半自動完成的陶瓷班
早排未有咁忙時, 去報咗次好耐冇玩的陶瓷班, 結果都唔洗自己點出手, 導師就已經幫助我地完成咗個陶瓷杯囉 … 我都明白大部份初學著都唔太控制到力度, 但基本教學都要俾時間去練下架嘛 … 計埋都冇乜幾下去掂舊泥, 就喺導師手中變成杯了 … 雖然造杯我冇乜得出手, 但係上色點都輪到我啦嘛 !! 為陶瓷上色就要一層再一層來, 點樣配搭係可以自主話事, 但就要留意各種顏色之組合, 兩者合一可以變出不一樣的色彩 ! 我想做個沙灘與海洋的組合, 就靠色板的 2 款顏料了 ~ 呢度的顏料選擇都幾多, 一共上左3 – 4 層, 每層吹乾先可以再上, 玩下玩下都可以用左 2 小時架啦 ! 上完色都唔可以攞走住, 仲要等 workshop 燒製完,…
HK : 自製簡約木茶几 @ 木民
早排朋友想要張木茶几俾小朋友用, 眼見目標貨品標價高達數千元, 咁啱我手痕想玩木喎, 又咁啱有朋友都想玩喎 … 就咁我地四人成團, 搵左輝師傳幫手, 要佢開班教我地整啦 ! 好一陣子冇上師傅度, 換個地方大左又花猛左, 個 workshop 勁舒服囉 ~~ 開工 ! 要開料就要先量板 ~ 今回作為簡單製作, 不用入榫, 真係慳力快手好多架 … 傢具講求平穩, 要穩固茶几, 多條平衡木是必要的 … 基本安裝完成, 但要追求手感, 仍然要作點後期修飾上蠟 !! 下午茶小休時間, 樓下間…
HK : 夜間尋寶 @ 大埔滘松仔園
本年度雖然錯過了夜光菇, 但大埔滘確實係一個唔會令人失望的地方 … 今回帶埋夜光燈去, 成功找到我幾想一見的蝎子 … 蝎子體型不大, 就只比一個五蚊銀大一點, 原來收收埋埋左好多隻喺牆角處, 間中先至申對鉗仔出黎, 一遇到少少夜光, 就會縮番入洞, 好鬼怕羞咁架 ~~ 喺呢度即使咩都睇唔到, 一地青蛙都應該唔會少 … 嘩 … 好在冇踏中佢咋…. 大條到呢 …. 見唔到夜光菇, 但仲有佢地 … … 我唔識分辨菇的種類, 大抵只睇到邊隻靚, 邊隻生得好得意 !! 僅餘的粒夜光菇 ! 明明前幾天都仲有, 聽說之後大雨過後又出現, 就係偏偏到訪之一睇唔到哦…
HK : 清水但迫爆的燕子岩 & 東壩
呢日終於跟到呢條船出海啦 ~~~ 今回先出燕子岩, 難得呢個潛點水清, 吸引左好多條潛船聚集, 落到水底係真正的人山人海呀 ! 第一潛呢, 我都冇乜離開過條沉船, 因為只要再落深少少就已經唔清, 結果最深只去到 13.1m, 24 度水溫玩左 69 mins ! 剛落水就見到佢地呀 ~~ 多謝 Buddies 指左 Bluespotted wrasse 的 BB 俾我睇 ! 難得見到咁清楚的英泥沉船 ! 呢群大眼仔銀魚好得意, 游埋去時, 佢地成班好似望實住我咁架 … …
HK : 閒日紅雨潛 @ 東壩 & 癩痢
呢日, 好可能係本年度最後之閒日潛, 點知 … 都可以撞正大半天紅雨架喎 !! 不幸中之大幸的事實, 水面濁水但水底尚清, 而且天色昏暗加濁水阻隔, 竟然白天有夜潛 Feel 喎 !! 是日第一潛 : 東壩 ! 26 度的水溫, 最深只係 8.5 m, 所以玩左 100 mins 其實都未想上水架, 但天氣轉差下又雷又雨咁, 加上下水前 onboard 講定唔好太遲上水, 咁我地都係唔好玩咁盡啦 ! 本年度第一回重遇濟公魚 (Cockatoo Waspfish) 呀 !!…
HK : 賭上的兩潛 @ 桑樹排 & 牙鷹排
連續兩日出潛, 可見證天氣一夜間轉變之快, 前一日一尺石還是風平浪靜, 隔一日我地喺快艇闖著 4 至 5 級風浪, 未落水已先濕晒咁衝出去桑樹排 ! 到達潛點係一件事, 落到落唔到係另一件事, 都要睇下運數與體力, 遇上呢個水面大流, 我都真係差點船頭都去唔到呀 ! 第一潛由於花左唔少時間喺水中回氣, 呢一潛只可以玩到 43mins, 最深落到 15.9m, 水溫唔係特別凍的 24 度 ! 呢期不再只係果洲見到海蘋果 ! 非常 Colourful 的花林, 水下能見度不錯, 而且冇乜流, 真係人都定番晒 !! 好似好耐冇見到呢兩款膠膠地的兔兔 ……
HK : 難得的風平浪靜 @ 一尺石
再來筲箕灣出潛, 今回難得的風平浪靜, 成功出到去一尺石呀 !! 呢次的一尺石, 真係平靜到浪都冇層呀 … .. 第一潛最深落到 16.5m, 無緣落去 20m 睇海花林, 但 12 – 15m 都已經好好玩 ! 24 度水玩足 50 mins, 都幾多嘢影架喎 ~ 各種色彩, 各種生物, 非常 colourful ~~ 是日第一隻小白兔 ! 升上番少少, 10m 左右深度,…
HK : 陪人開季試 Gear @ 牙鷹排 & 東龍島
本年度再次筲箕灣快艇出潛, 主打的係南區附近潛點, 可惜是日吹起 4 – 5 級風, 都唔會出到咩遠位, 咁就近近地東龍島好了 ! 係維港向東而行, 經過鯉魚們 & 將軍澳, 就會到達東龍島啦 ~ 第一潛係牙鷹排, 呢度收埋左秘密花園 ! 由最深 16.8m 落水, 慢慢往淺水而潛, 24 度水唔算太凍, 但能見度非常一般, 我地只玩左 45 mins 就上水了 ~ 真係覺得呢日係陪 2 位朋友來開季試 gear 的 ! …
HK : 話咁快又開季潛 @ 打浪排 & 黃茅洲
本今度潛季正式開始啦 ! 剛剛的 Weekend, 喺幾日的橫風橫雨之間, 幸運地有一絲風平浪靜, 成功出左漁排快艇潛左 2 支 ! 我似乎真係好耐冇去漁排啦 !! 第一潛, 估唔到咁的天氣出到打浪排 ! 早上 10:38 第一潛, 水溫都有成 24 度, 最深只係去到 9.1m ! 開始時尚算平靜小湧, 能見度不錯, 後期先開始大左流, 水亦帶點混濁, 潛到後段我開始覺得凍, 52 mins 就上番水了 ! 呢一潛遇上兔, 呢隻白色橙點兔,…
HK : 籮箕灣的星空與日出
去年冬天的某個夜裡, 我們乘夜走入籮箕灣, 輕裝不帶營, 只為一看那片燦爛的星空 … 香港的光害有多厲害, 也不用多講, 但總會有那麼幾個地方, 能成為某種例外, 籮箕灣絕對可算是其中之一 ~ 營可以唔帶, 地墊都冇帶 (似住瞓沙地嘛, 不過原來並不舒服), 但爐 & 煲就真係唔會唔帶, 主廚的堅持哦 … 籮箕灣果然係影星的好地方 … 隨著時間的流逝, 星體的轉移, 拍下了不同角度的星空 … 冷冷的夜裡, 期待著日出的到來 ! 暖暖的薑茶, 為這份冷添了點溫暖 ! 日出啦 ~~~…
HK : 大嶼山中鎢礦洞 2022年下集 !
上集我地去大嶼山尋鎢礦唔成功, 本年度再次 mark 好地圖先出發, 今回條路線有點唔同, 改由東澳古道的另一個分支上山 ! 路途上, 我地經過呢條景色非常優美的小溪 … (但真係勁多蚊 !) 上左第一個山頭, 面對係山火燒過的痕跡 … 或許因為木林的消失, 反而礦場辦公室的遺跡更顯現左出黎, 比起上次到訪之時, 搵多左幾間建築物的遺趾, 連另一個類似灶頭的東東都遇到了 … 繼續往山上去, 往海拔 380m 進發 … … 站在這個位, 再次望住機場, 我地想出門遠行的渴望全顯, 就連望住架飛機起飛都勁興奮囉 !! 山上的野生杜鵑, 彷彿生在石縫之間 ……