本今度潛季正式開始啦 !
剛剛的 Weekend, 喺幾日的橫風橫雨之間, 幸運地有一絲風平浪靜, 成功出左漁排快艇潛左 2 支 !
我似乎真係好耐冇去漁排啦 !!
第一潛, 估唔到咁的天氣出到打浪排 !
早上 10:38 第一潛, 水溫都有成 24 度, 最深只係去到 9.1m !
開始時尚算平靜小湧, 能見度不錯, 後期先開始大左流, 水亦帶點混濁, 潛到後段我開始覺得凍, 52 mins 就上番水了 !
呢一潛遇上兔, 呢隻白色橙點兔, 小小的都幾可愛, 最搞笑係橙點喺正對觸鬚之上, 成對眼仔咁 !
平凡中 … 帶點色彩的佢 …
躱在洞中生蛋中的橙紅色巨兔, 估唔到咁都俾我見到佢 ~
其實經過時, 只以為係一舊紅色珊瑚, 點知細心一點望佢, 有對耳你有尾架喎, 仲唔係兔 !!??
第二潛 : 黃茅洲 !
水溫繼續 24 度, 但可能體溫流失快, 呢潛真係好快已覺得凍 !
最深 7.3m , 長期停留 4 – 6 m 搵嘢影, 所以玩左足足 74 mins !
落水呢一刻係咪好風平浪靚呢 ?! 上水時完全兩回事 !
呢個潛冇走得好遠, 但見到勁多可以影相的生物 !
呢回連魚都唔放過呀 !
又係你呀,橙色點點兔!!
呢條獅子魚勁大條, 仲唔點怕人, 好氣勢咁架喎 ! 
遇上龍蝦一隻… 
藏在珊瑚中的偽裝蟹, 如果唔係佢郁郁下, 我都未必看得出來 …
影之時知佢唔係平時常見的魚類, 顏色亦勁靚, 但諗極都唔記得佢叫咩名 …
翻開魚書都仲未對得出, 好在可以問魚魚達人, 先知佢係 Japanese Velvetfish !
靚仔呀 !!
是日潛最開心係見到佢 : 海棉兔 !!
就咁望真係以為係珊瑚的一部份, 好在俾我望到佢對耳仔咋, 好鬼得意架佢 !!!
最搞笑係唔知係太湧定佢黏唔係個珊瑚, 影影下佢玩大風吹咁成粒飄走左, 結果我就影出左第三張相來, 好好笑呀 …
就喺我影緊海棉兔之時, 就俾見到少有地行得鬼咁快的芝士兔 …
平時見芝士係小小的一束, 黐係珊瑚上都唔郁, 點知呢隻又大粒, 又行得鬼咁快 …
是日兩潛完成, 回漁排沖身換衫收拾, 順便食埋餐正嘢先散水 !
