早排未有咁忙時, 去報咗次好耐冇玩的陶瓷班, 結果都唔洗自己點出手, 導師就已經幫助我地完成咗個陶瓷杯囉 …
我都明白大部份初學著都唔太控制到力度, 但基本教學都要俾時間去練下架嘛 …
計埋都冇乜幾下去掂舊泥, 就喺導師手中變成杯了 …
雖然造杯我冇乜得出手, 但係上色點都輪到我啦嘛 !!
為陶瓷上色就要一層再一層來, 點樣配搭係可以自主話事, 但就要留意各種顏色之組合, 兩者合一可以變出不一樣的色彩 !
我想做個沙灘與海洋的組合, 就靠色板的 2 款顏料了 ~
呢度的顏料選擇都幾多, 一共上左3 – 4 層, 每層吹乾先可以再上, 玩下玩下都可以用左 2 小時架啦 !
上完色都唔可以攞走住, 仲要等 workshop 燒製完, 作品先成型架 ~
其實呢個陶瓷班係目標為本的, 學的過程唔算太有得著, 反正就係完咗就有件作品咁啦 !
至於我呢個碗型杯嘛 …
飲酒又得, 有人沖咖啡都得, 得咗 !
