今日係我最尊敬的 Line Man 生日, 基於近期 Office 的氣氛太差, 我地呢班"新" staff 受盡欺壓, 連帶剛剛放完假番黎的她都已經現出疲態, 咁我決定整番個旦糕為她, 為大家打下氣啦 !! 今次選了非常適合 Summer 的 Strawberry Cheese Cake, 雖然叫 Cheese cake, 但食落非常 refreshing, 一點都唔 heavy, 而且非常易做, 1 小時內一定搞得掂. 餅底係用 Digestive Biscuits 10 – 12 pcs (depends 你個焗盤有幾大啦 ~), 打碎混入溶牛油 100g,…
星期五放工後, 走到中式超市作每月搜購, 最近都見到有 Frozen 牛筋賣, 我未見過生勾勾的牛根, 更唔好講話煮啦, 通常都係出街食之嘛, 呵 ! 想不到 UK 都會買得到, 咁今次一於試整下啦 ~ 食譜係跟蘇絲黃所寫的, 網上好多地方都有, 我呢個係以前係飲食男女 saved 下 ~ 材料 : 牛筋 (佢話 8 條, 但我係咪都 1 pack 咁買番黎), 白蘿蔔 1 個 (要重身, 但我買左 2 個 !)調味汁 : 八角 8…
端午節, 好多年的端午節, 我都唔係 HK , 可以話好多年冇食過稯囉 ! 我本身係唔鍾意食稯, 食都只會食用外婆食譜整出來的, 仲衰衰咁只愛吃外面層糯米, 食入到綠豆都有少少不情願, 更唔好講到中間心旳肥豬肉同咸旦黃, 而收拾殘局的一定係阿媽 !! 記得以前端午節, 各家族成員總會一起到外婆家聚會食飯, 走時阿媽就會帶住一大袋稯回家; 到早幾年前外婆身體大不如前, 一個人應付不來我地的苛求, 結果轉移到我家, 在阿媽o個一代+屋企的賓賓協助下, 先完成到任務 (某一年剛剛在港, 可以幫到手, 咁先學到下野!) ; 再到今年外婆剛開始要洗腎, 跟本冇時間/心情去整, 所以今年只有阿媽在家整了 20 多隻分發出去. 既然我咁多年冇得食, 今年有時間有材料, 就整番一些應下節啦 ~ 外婆的稯到今時今日, 我都唔知佢歸落咩種類, 同埋佢係長條型, 而唔係成日見的金字塔型架喎 ! 材料有 : 竹葉同草繩, 糯米, 去皮綠豆, 豬肉(我唔要用淨肥膏呀 !!!), 冬菇(…
從小很喜愛吃燒賣, 由酒樓傳統的, 到街頭的魚肉燒賣, 再到超市的叮叮版, 我都鍾意食. 黎到 UK 之後, 去飲茶時未必會叫, 因為唔係間間整得好食, UK 的豬肉味可以好重, 有時整出黎的燒賣可以好膻. 既然係咁, 不如自己係屋企整, 咁咪唔怕人地用左唔鮮豬肉囉 ~ 我用左 500g 雪藏蝦, 500g mince meat (蝦同豬肉的比例係 1:1), 燒賣黃皮 (但我只買到雲吞皮咋 ~), 同 1 條紅蘿蔔. 先將蝦打成蝦膠, 混入mince meat, 再用麻油, 糖, 鹽, 生粉, 雞粉調味, 最後包入黃皮之內, 面頭我用一粒蝦肉同少少紅蘿蔔碎作點綴.…
係屋企整肉骨茶係好容易的, 只要去買包肉骨茶湯料做底就可以喇, 不過唔同牌子的肉骨茶都係唔同味架, 下面幾包係朋友係 Singapore 寄俾我的, 多謝晒呀 ~ 記得學識整肉骨茶, 係讀大學時同幾個 Singaporean "同居"時所學, 佢地非常愛吃辣, 可以一個月食清一罐奶粉咁大的辣椒油, 所以煮肉骨茶時, 佢地 prefer 煮耐 d, 越煮越入味同辣丫嘛 ~ 講番煲肉骨茶, 其實只要煲滾水, 掉入一個湯料包, 放入 2 – 3 個原隻 Garlic (係呀, 佢地教係連皮成粒掉入去架 !!), 同埋適量排骨 (如果怕油可以出出水先 ~), 咁煮 1 個鐘度就可以熄火,…
今日的英國又回復佢的本性, 整整落左一日雨, 氣溫由早幾日的 20 多度跌番落去 12 度左右, 我亦無可奈何地羅番件褸出黎, 開番著個 heater 啦 ~ 見凍凍地, 不如做番個熱辣辣的甜品 ! 打開雪櫃羅出 2 隻雞旦, 又將用到星期尾, 只淨下少量的低 B 鮮奶取出, 就黎做一個旦白燉鮮奶吧 ~ 好簡單易做的甜品, 先取出旦白, 打勻, 過篩隔去泡泡. 鮮奶座暖加入適量的糖. 將旦白同鮮奶溝勻, 倒入燉盅內, 用錫紙封好, 放入煲內燉 10 mins, 咁就搞掂 ~ 呢個份量我整左 2 杯, 食一個都覺好飽下囉, 問題係另一個燉好左,…
有朋自香港來, 特地早放工到 City Centre 的 Indoor Market 買活生生的泥蟹宴客, o係 UK 咁耐從來都冇買過黎煮, 1 來好少見有生的賣, 2 來冇諗過點煮, 今日買左先知唔係好貴, 5 pounds per kg, 我呢隻大約 1 kg, 好夠 2 個人食 …. 由於未拆過泥蟹, 加上佢係非常硬淨, 一向只煮花蟹的我, 真係唔係好夠加拆散佢, 好在有朋友係度幫下手 !! 以下相片都唔係咁o岩不喜殺生的人睇, 可以跳到炒蟹部份 ! 先除蟹鉗, 清洗表面同去蟹掩,…
煮下日本米, 從櫃底翻出買左好耐但冇掂過的罐頭腐皮, 等飯煮好, 待稍涼時混入壽司醋. 開左罐頭倒掉 sauce 後, 就可以開始用飯填滿腐皮, 一罐可以整到 16 個左右 ! 整一次可以食 2 – 3 日呀 ! 好快好方便的午餐, 吃時加上點點washabi, 已經十分夠味道 ! 如果可以係飯之中加入炒香的芝麻, 味道應該會更佳 ~
今日心情十分差, 架車壞了, gear box 死掉, 被告知修理好, 就要換掉整個 gear box, 要成 1800 pounds (約 HK$ 30,000), 真係人算不如天算, 本來打算過多幾個月, 我就換過架細車, 點知反而係架車捱唔住 …. 架車入左廠, 將我工作上的行程完全打亂, 本星期約好的 appointments 全部取消, 而 4 月要做的 visits 多數完成不了, 十分討厭呢種感覺 ! 不過大小老細都十分體諒, 反而係佢地叫我唔好擔心工作, 做得幾多得幾多 … 想著本來可以開開心心, 完成下星期的工作, 就可以去 Croatia 放一個…
簡單晚餐 – 就係用黑椒汁煮青口. 先炒香什菜(我用番整可樂餅時多左的onion, carrot 同 corn), 加入一湯匙黑椒汁快手兜勻, 再放洗乾淨的青口, 最後倒入白酒 (多少隨意) 同少少雞粉. 加蓋焗 3 – 5 mins, 睇青口 size 大小啦, 英國的青口好細隻, 係咁炒一炒, 焗一焗就已經熟到開晒殼架啦 ~
今日口痕, 好想食d unhealthy foods, 所以決定又跟人地的食譜整個炸物 – 日式可樂餅. 其實唔知點解佢叫可樂餅, 可能係日文直譯啦, 我解釋俾人聽就話佢係: "日式炸薯菜餅". 做法跟番原食譜, 我只係改左少少野: 1. 我用 baking potato 黎整, 所以我係連皮一齊 mashed, (increase fibre intake ! haha, 職業病). 2. 我加左 tinned corn, 1 carrot, 1 brown & 1 purple onion, finely…
今日整左焗葡汁雞翼, 仲要整左一大鍋, 用左薯仔, 磨菇, 紅蘿白, 洋蔥, 燈甜椒同雞翼, 落好鬼難先買到的李錦記葡汁一齊炆, 咁多 veggies 令到個汁真係好甜呀 !! 炆到d 料軟身入味, 就轉到焗盤上, 我仲有用淨的 grated cheese 係雪櫃, 唔好浪費, 就梗係放埋o係上面一齊入焗爐, 焗到 Cheese 燶燶地 而 葡汁又乾乾地身, 就可以上碟啦 ~ 咁大鍋真係可以食幾餐啦, 今晚我就用黎送飯, 而聽日就可以係意粉, 哈 ! 真係打後 2 日都唔洗煮呀 !…