2022 年 10 月初繼續出潛, 今回再次來到癩痢 !
話說是日水流合適, 就好順利去咗癩痢島之一角下潛, 呢個位我就真係冇落過, 第一潛就覺得水下 Landscape 不大一樣, 好多亂石陣咁, 而且都見到幾多魚下, 不過第一潛唔算見到太多特別嘢 ~
第一潛水溫係 28 度, 最深去到 13.1 m, 呢一潛玩左 66 mins !
問咗專業的朋友, 佢應該係連米的一款 ~
第二潛都係癩痢的秘角, 今次搵到好嘢啦 !!!
水溫依然係 28 度 , 今次最深去到 13.1 m, 總共玩咗 75 mins ~
海星底下的蟲蟲 ~
算係唔太怕羞的 倒吊 Goby !
都俾我影咗幾張先躲到石縫深處 ~~
細細條的海豬魚, 佢身上的花紋都幾靚架 ~
是日主角就係佢呀 !
話説第一潛我己經見到條外型特別的魚, 每次游近少少嗰區, 佢都會好快咁閃入石縫中.
今次我又見到佢, 就忍唔住跟住佢游近石群, 再照入去先見到佢, 係好靚的綠黃色架 …
睇下佢正前方口中對牙仔丫, 好得意架 !!
佢一時向上, 向左, 向右, 最後正面的樣出現啦 !!!! 佢係 Trigger Fish 呀 ~
最後仲有佢, 大大條的黑鱲 !
是日潛完, 仲同班潛友去咗 白沙灣 間 Baku Coffee Shop (八古) 飲咗杯嘢 ~
呢間並唔係單純的 Cafe, 實則係一間按摩店嚟嘅，嗰日我地潛完經過，就膽粗粗咁走入去睇下有冇得 walk in 飲杯嘢 ； 餐廳環境幾唔錯，飲品小食似走日系風格，飲品都有點特色，又山葵又七味咁，而且賣相一點都唔馬虎，都算係幾飲得過嘅 Cafe, 可惜小食糕點類就弱左點，本來唔多嘅選擇再加埋提早售完，可以講係乜咩好食 ～
至於按摩方面，唔係冇考慮過，而係價格不菲之餘，風評似乎麻麻，我就尚未有信心去幫襯住啦，就等 …… 下個潛季吧 ！
是日的海鮮大餐 ~
