坐 15 分鐘船離開 Unst 後, 就會去到 Yell 呢個島! 相對起 Unst 同 Mainland, Yell 係一個比較低調同被人忽略的地方, 好多人只係因為要去 Unst 而經過 Yell, 可能佢景點係冇 Unst 咁多咁出名啦, 但佢的景色絕對唔會比 Unst 差 !
Yell 係 Shetland 第二大島, 但係地圖上望見, 佢好似由 2 個島組成咁, 只係中間有少少地方連埋一齊, 有如一個 8 字 !
我到左 Yell 之後, 我係先往北面去, 因為我想去 Gloup 睇一個 Fisherman's Memorial, 係中途我有停低, 走到一個隱藏係山坡下的美麗沙灘 Breckon Sands ! 最後駕車到島的中部, 隨便係一個小漁村 take a break, 係海邊享用我的午餐啦 ~
Breckon Sands – 隱藏係山坡下, 要走一斷山路先到達 ~
好靚的沙灘呀 !!! D 沙好細好滑呀 ~
但冇耐, 天氣開始轉差啦 !!
雀鳥最愛食完貝殼類, 就掉個殼係沙灘架啦 !
Gloup 可以話係往北面之路的盡頭, 呢度有一個 Voe, 仲有一個 Fisherman's Memorial, 佢係紀念係 1881 年 7 月 21 日的晚上, 係 Gloup 對開的海面, 一場風暴就帶走左 58 個 Fishermen. 以前出海捕魚係又辛苦又危險的, 通常 6 個人一架船, 係冇任何導航儀器幫助下, 人手撐船去水深的地方, 用魚絲吊 d 魚上黎, 但往往會迷路 or 遇上風暴, 同埋呢份工, 人工真係好低架 !!
Fisherman's Memorial
Gloup Voe ( 3 張連環相)
仲有 Video 添呀 !!
最後我停下食 Lunch 的小漁村