第五日囉, 哎呀咁已經第五日啦 !! 呢朝天氣又變得天晴, 總係我地有長車程先黎好天架 !
呢日我地準備要離開 Dubrovnik 喇, 但離開之前, 趕緊去 supermarket 入貨, 為打後的 National Park 之旅作好準備, 就係經過 new town 時, 竟然發現呢度有個 market 喎, 我梗係硬要泊低車去行下啦, 睇下當地的 common foods 係乜嘛 ! (職業病之一 ?! 
)
呢個 market 除左蔬菜水果之外, 仲有魚市場添呀, 好多認不到品種的魚, 一盒盒咁放係度俾你選, 睇得出樣樣都好新鮮, 我想只要用少少 sea salt 同 black pepper 去調味, 用黎 grill or pan-fry 都應該味道一流呀 
!
紅白相間的太陽傘, 寫著這個城鎮的名字
都幾多人黎呢度買野架 ! 有鮮花, 有蔬菜 ……
仲有好多生果添呀 ! 真係好鬼新鮮架 ~
嘩 ! 睇下我搵到 D 咩古董 ?! 
魚市場, 連我呢個一睇就知係遊客的人, 佢地都唔放過, 照樣向我叫賣 !
走下走下去到海旁, 又係泊滿了漁船, 甚至係 Double parking 添呀 ! 由呢度可以望到對岸的建築物群, 依然係 Dubrovnik 範圍內, 橙紅屋頂白牆身, 配上藍天同大海, 顏色真係好靚好襯呀 
~
Double Parking 的船, 咦 … 唔知呢度會唔會抄牌架呢 ?!
Dubrovnik 對岸的景色, 你話如果我可以住係呢度, 你話幾好呢 ?!
呢邊係對岸的另一角
可以載車的渡輪, 如果坐佢就可以免左o個程 Bypass 山路, 但船次好疏架 !
到超市上好倉, 連同係 market 買到的新鮮 cherry tomato 同 strawberry, 就開始我地的漫長車程, 慘啦慘啦, 又要行多次個條 Bypass 山路啦 … 今次仲衰喎, 剛剛遇到兩不相讓的大車, 將山路堵得死死的, 足足停下來, 等了半個多小時才解決 
! 當我地走完山路, 再一次回到海邊, 真係忍不住要歡呼幾聲呀 ~
當駛過去程時停留過的 Town – Makarska, 又係要搵地方小休兼醫肚啦, 今次我地停左去邊 ?! 等下一篇你地就會知架啦 ! HEHE 
~
出入Dubrovnik 必經的大橋, 今次我地係底經過 ~
經過盛產橙旳 Town, 有好多路邊橙檔, 有冇少少似大陸呀, 不過冇人追你車迫你買咋 ~
Makarska 路邊的一個標記
沿途的風景真係唔錯, 一邊山, 一邊水 ~
厚雲積聚係山頂, 將山的一半食掉
