快要到農曆新年, 又要為賀年食品作準備.
煎炸食品我是不會出手自家制的了, 因此煎堆, 角仔, 笑口棗一一欠奉, 唯有蘿蔔糕這兩年都有自己的出品.
今年 Kwok’s Kitchen 特別的好生意, 一連兩個星期的半晝, 我都在制作蘿蔔糕.
總數買了 23 斤白蘿蔔, 花去了2.5 斤粘米粉, 制作出 13 底蘿蔔糕. 不是賣花讚花香, 我的蘿蔔糕主打少粉, 而且都幾足料架 !!
制作過程去年也有介紹過 ( http://traveling-fish.tixmart.org/2013/02/10/homemade-chinese-turnip-cake/), 那今年再重溫一片吧 !
主要食材當然是白蘿蔔啦 ! 配料主要用了冬菇, 瑤柱, 臘腸 & 蝦米, 第二批我則加入少許潤腸. 當然還有粘米粉 +/- 粟粉.
開工前先將 冬菇浸泡, 切粒, 再下鑊炆一下. 瑤柱 / 蝦米也要用水浸泡後切粒, 臘腸要先蒸軟再切粒.
最後所有材料再炒至乾身, 就可以放在一旁備用.
將 3/4 份量的白蘿蔔刨絲, 另 1/4 則用刀切絲, 白蘿蔔出的水要留著.
用白鑊煮白蘿蔔絲, 直到軟身而色澤帶點透明.
下配料拌勻 (記得唔好用晒, 留點等會兒放在糕面), 同時也下 雞粉, 片糖, 胡椒粉 調味, 再煮多一會直到有點收水.
於這步驟要開始轉小火, 以免蘿蔔煮得太熱, 等會下粉會易起粒粒.
將粘米粉邊篩邊下到蘿蔔糊中, 我第一回煮的 10 斤才下了 600g 粘米粉, 出來的效果有點軟身, 吃蒸的比煎的會好.
因此第二回, 我額外再加了 2tbsp 粟粉, 糕身就變得實淨了點, 剛蒸完回暖時吃了一件, 感覺質地剛好, 不會過軟又不會太實.
將蘿蔔糕入模, 再於糕面上洒點預留了的配料 ~
第一回的 五底 蘿蔔糕, ready 拿去蒸了 !
今年老豆買了這個三層蒸煱, 非常實用, 一次可以蒸大量出品.
上一個蒸 大閘蟹 已見其功效, 今回蒸蘿蔔也很有用.
可惜買的黏盤有點大, 否則可以一層蒸 2 個, 那就更省時了.
第一回之出品完成 !
若要加蒽 / 芝麻的話, 請於蘿蔔糕完全冷卻收水前, 加到糕面上, 否則會黏不住的.
由於今回全都下了冬菇, 不可以存於太耐, 唯有分兩回製作.
第二回, 共有 八盤出品 ~
有的朋友事先已下單, 過半早已定訂下了 ~
事實上整蘿蔔糕不是那麼困難, 而且用料很經濟, 完全不明白何以那售價越來越高昂.
至於年糕, 我已向某環保機構預訂了, 那就不用自己出手了, 反正我的家人也吃得不多 ~
大量生產!
朋友有求, 反正有時間嘛, 那就多做一點啦 ~
今年我整左兩底呀。不過比上年多左粉，冇咁好味！
我都鍾意少粉, 同埋少粉就蒸好食 D ~
嘩, 刨羅白都刨都手軟呀
咁我家姐姐有份出手的 ~
勁…大量生產…
自己整真材實料, 又好食 !
賣相不俗啊！
多謝多謝 ~
大魚蘿蔔糕，哈哈
咁下年咪要買個魚模 !?
你真係好利害呢！ 連蘿蔔糕都識整！
唔厲害, 唔厲害, 唔係咁難架咋, 不過要多預點時間 ~
好味道！！！
魚，新年祝你事事如意！！
大家咁話 ! 祝新一年順意開心 ~
你又準備點過年呀 ?!
通常撈粉喱個step最考體力^^
今年我實在太多年糕券,都係食晒先,至少等年初十以後先再整
自己整的好處係, 咩時候想食都可以 !
我家都有訂糕, 係長春社訂左 D 良心年糕, 仲有朋友送我的十勝紅豆糕, 正等待跟朋友們分享 !
Super 好味
謝謝賞面 !