Happy Mother’s Day ! 雖已渡過了數年没有媽媽的母親節, 我仍然會不時的想起或夢見她. 她留下來的蘭花, 經過工人姐姐的細心打理, 隔上一些日子便會再次開花, 我偷偷的將其中一朵剪下來, 帶上山去送給她. ***** 本星期總覺得很累, 整天都沒精打采的, 下班後都不想外出, 回家就是想睡, 我歸究是天氣的錯, 還是我又有點作病呢 ?! 星期六身體仍然很疲, 卻基於早前已經報名參加由 WWF 舉辦的 “基圍濕地時光之旅”, 那就如常出發吧 ~ 要到米埔, 就要先到上水, 老實講我唔係太愛到上水, 實在有點怕怕那人迫人兼雜亂之環境, 今回一出閘就直衝往石湖墟, 我地要去廣成冰室醫肚 ! 呢間冰室每逢星期六 / 日例必人山人海, 還好我地唔洗等好耐, 就可以入座了. 點了這個冰室的名菜…
係囉, 本星期又行山囉 ! 有時總覺自己冇事搵事做, 今年暑假有個登山目標要達成, 咁我就唯有努力練山吧 ~ 今回搵埋班同事去行山, 我地要上獅子山 !! 獅子山之前也有登過, 個景觀真係幾唔錯 : http://traveling-fish.tixmart.org/2013/01/13/hk-lion-rock/ 起步點没有不同, 還是麥徑 5 之起點 – 慈雲山獅子亭 ~ 麥徑 5 的起步是有點點辛苦, 未熱好身就全是上山路段, 好在上到去就係全平路 兼 有好風景作奬勵 ! 我都幾鍾意呢段麥徑, 尤其夜景真係一流, 想睇下好清的夜景, 可以 click 入去下面條 link ~ HK :…
最近天氣很不穩定, 相約了朋友們的戶外活動, 都似乎在出發與取消之間 … 本來打算跟朋友們 Weekend 去行山, 結果當天早上取消了, 卻有見天氣不太差, 我就獨自一個人出門走走. 最初的計劃只是由沙田行去馬鞍山而已, 反正就是沿著城門河而行, 全平路, 冇難度 ! 其實 … 住在係度咁耐, 都唔知行去馬鞍山要幾耐, 咁行一次咪會知囉 ~~ 剛好遇上了有人在操龍, 突然驚覺 : 係喎 ! 就黎端午節啦喎 ! 話時話, 咁多野玩過, 就係未玩過龍舟, 但係聽說太多操龍好鬼攰, 興趣真係麻麻 … … 話咁快就行到入去馬鞍山囉,…
趁著天氣轉熱之前, 快快手行多幾轉山先 ! 呢日跟隊友們, 於綠楊新村附近吃過早餐, 就沿著那多道相連的天橋, 走到荃景圍附近. 只要來到荃灣港安醫院對面的一條樓梯, 那就是元荃古道的起點. 我也有走過元荃古道, 這是上回的遊記 : http://traveling-fish.tixmart.org/2013/01/06/yuen-tsuen-ancient-trail/ 一如上回的經歷, 剛開始的 15 分鐘都是上山路段, 有點陡斜, 不過只要慢慢地行便可 ! 剛好看見這一大串花朵, 由其他行山客仲紹下, 才知道這叫 “禾雀花”. 只要將花朵放好角度, 看上去就如一隻小鳥, 幾可愛架 ~ 之後仍然要繼續上山, 不過已經不算太斜, 隨著越往上山走, 景觀越見開揚. 整個荃灣的風景立時盡數眼底 ! 話咁快又來到石龍拱了 !…
本星期有點失落, 因為我已經唔洗去土瓜灣上木工堂了 ! 一連十二個星期的木工二年班, 已於上星期完成, 計埋一年班上左十二星期, 我都勉強算學左半年木工. 老實講, 真係越玩越鍾意呢門手藝 ! 上回一年班的介紹 : http://traveling-fish.tixmart.org/2015/12/29/hk-ching-chun-warehouse-02/ 二年班的課程, 跟一年班有點不同, 不用再上基本工練習, 第一堂就直接開工 ! 我們花了三堂左右來砌相中的木架, 這個底架很實用, 大部份枱枱櫈櫈都可以用上這個底架. 搞呢個枱面, 又用左兩堂去囉. 茶几仔的枱面, 係用 4 塊卡板砌埋而成, 厚度不一, 長度不一, 砌好後都花了不少氣力才刨平個面 ! 刨靚個面, 就要用砂紙磨滑 ! 嘩 … 我簡直就係磨到入左迷,…
本星期天氣不穩定, 反而涼涼地最適合去行山. 今回跟新手朋友去行下, 選了一條平坦卻又可以無限伸延的路線. 起點在鰂魚涌街市後, 沿柏架山道而上, 往紅屋方向而行 ~ 這橦古宅就是紅屋, 又名林邊屋, 原為太古糖廠高級職員宿舍, 建於 1920 年, 算起來快有百年歷史了. 後來紅屋交由漁農自然護理署管理, 最後改建成 “林邊生物多樣性自然教育中心”, 免費開放給公眾參觀. 本來我就好鍾意呢種紅磚屋, 難得黎到梗要參觀一下啦 ~ 館內展出數種生物, 都是可以在 HK 找到的, 間中行山之時, 也有機會與牠們相遇的 ~ 其實我唔太贊成放佢地係個玻璃箱之中, 佢地都好似呆呆咁的 … … 有遊人察看過後, 仲問佢地係咪真架 ?!?! …
Day 2, 我們繼續扮遊客玩本地遊 ! 點知 … 有朋友真係玩到唔記得左袋八達通, 結果真係要買好耐冇買過的單程票, 仲要係未用過的新版喎 ?! 這天要去饒宗頤文化館, 最方便係去美孚站再行去, 如果想要坐接駁巴士呢, 則要去荔枝角站啦 ~ 還未走進饒完頤文化館, 遠遠已可以看到那群開得燦爛的花朵 ~ 饒完頤文化館 Webpage : http://www.jtia.hk/ 饒宗頤文化館的前身, 是荔枝角醫院, 曾做過監獄, 也做過海關, 還有傳染病院 及 精神病院等, 經歷了過百年以上的時代變遷. 先不看其他, 單以下區這 2 橦英式紅磚建築物, 已經羸得我的歡心 ~ 這個文化館有免費導賞團, 星期六 /…
哈 ! 有時真係覺得我的朋友們都係有舖傻勁, 係 HK 都要搵個地方黎住一晚 ! 今次, 我們來到深水埗的美荷樓青年旅舍, 完全是一個喜出望外的驚喜 ~ 星期五放工, 本來拿著一個背包就可以 Check-in 架, 點知去一去左長沙灣, 逛了某戶外用品店的開倉, 就得抱著一個營, 4 個防水袋 以及 1 張自動充氣地蓆過去深水埗 … … 最近似乎為了玩, 我又大出血了 ~ 美荷樓的歷史我就唔再多說了, 反正也不是第一回在這裡提及, 有興趣可以睇番呢度 : http://traveling-fish.tixmart.org/2014/03/10/hk-sham-shui-po-03/ 今回我們對這家 YHA 超對有讚冇”彈”, 首先 check in…
星期五下班後, 今回没有玩閃遊台灣, 反而留守本地, 跟朋友們趕往西貢浪茄, 玩快閃露營 ! 收工跟朋友們集合, 大家齊齊帶著架生,往西貢進發 ~ 當我們到達東壩之時, 天已全黑, 雖然這兩天雲層密佈, 没想到在東壩卻仍然可以見到一片星空 !! 我們背著大袋細袋, 沿著麥徑走到浪茄, 接著便快手 set 營. Camping 呢家野, 我真係非常非常耐没有玩過, 我當年起的營係最傳統, 大大個可以訓到成 team 人, 拉繩拉到傻的那種, 而去起朋友的”自私 2 人營” 呢, 真係好簡單. 玩過一次, 就已經有想買營的衝動 …. 我真係要忍手呀 ~~~ 好快,…
四年先可以生日一次旳隊長, 生日快樂呀 !!!!! 本星期的天氣, 終於好起來, 陽光普照實在最適合戶外活動 ! 這回壽星隊長話事, 唔上山, 也不下海, 我們齊齊踩單車去 ~~ 出發於火炭, 我們直接踩入大埔, 沿途吐露港的風景好得不得了 ! 上回有停下來的小碼頭, 好像變得有點不一樣, 可愛的小貓咪們似乎都不見了哦 … … 還好, 優美風景依然 ! 是日的水面非常平靜, 很適合玩 wake 呀 ~~ 踩下踩下, 話咁快入左大埔了 ! 無意中發現, 頭頂天空上的這片雲 … … …
似乎好耐冇去行山, 但由於預告了天氣麻麻, 本來約好了的行山活動臨時取消了. 幸好, 有朋友打算來個 30k 的, 正好可以練下山 !! 一早出發於深井, 穿過村屋群上山, 乜呢度咁鬼多大樹菠蘿架呢 ?! 仲一枝 4 個添 ~ 不過呢度起步都有點辛苦, 一開始就要行長樓梯上山 … … 上到這路段之後, 基本上都是平路來的了 ! 當我們穿過相五中的那片樹林, 踏在那條舖滿枯葉的路徑上, 都幾好 feel 架喎 ~ (好有拍武俠劇的場景哦 ~) 來到清快塘, 原來這裡有一家 “喜香農莊”, 是個不錯的補給站…
這天難得悠閒, 那就相約朋友們去 hea 一下. 荔枝角的 D2 Place 舉行了一個生活市集, 我們一心打算去支持下. 市集的主題確不錯, 共設有 70 個攤位, 供多位獨立工作者販賣不同的手作 / 工藝品. 可惜規模不大, 我們花了不足半小時便已經逛完. 值得一提的是雖然有很多是自家創作的品牌 / 作品, 卻同時也有不少由台灣輸入的貨品, 這就有點點令人失望, 我們還是想看的創作市集多一點 … … 總體而言, 這個市場值得經過時逛一下, 特地去一回就不用了. 在荔枝角那邊没地方好去, 有見是日天氣甚佳, 就決定要到深水埗看日落 ! 這個很奇怪嗎 ? 深水埗真的有一個看日落的好去處哦 ~ 美荷樓後的小山,…