身體虛開, 真係有夠衰架啦 ~
o岩o岩先叫做病好, 以為清左感冒就冇野啦, 結果尋晚訓到半夜, 無啦啦胃痛, 最.最..最…慘係, 屋企冇胃藥呀 !! (冇係 HK 帶過黎 ~) 又唔敢亂食 panadol, 係床足足"典"左 2 個鐘 !!
成個人好攰呀, 唔該唔好再搞病我啦, 我冇 energy 去再頂啦 ~
——————————————————————————————————————————————–
經過尋日的好天氣, 今日天氣又反常, 變成天陰落雨, 好在尋日已經行左山啦 !
今日的行程係 : 開住車, 較大 Hifi, 係 Unst 四處亂闖, 差唔多每一條可行車的路我都駛過, Unst 每一個車可到達的角落我都到過.
由我住的地方 Saxa Vord 出發, 向南走, 必經 Harpldswick 呢個小 Town, 係轉上大路前, 就會見到呢架 Viking Boat. 呢架野應該係新整架, 因為好多書呀, 資料都冇介紹過 !
再繼續南行, 臨到 Baltasound 前, 就會見到呢個好特別的巴士站 ! 呢個 Bus Shelter 有自己 Website 架, 不過好似 Upgrade 緊 ~
Unst Bus Shelter
入面擺設得好靚呀, 今次主題以黃色為主 (主題成日轉, 但幾耐轉一次, 我就唔知啦 !)
由 Bus Shelter 再往南走, 下一個路口轉左駛離大路, 沿小路一直走到盡頭, 就會見到一間小屋. 旁邊有一條木梯 同 一個唔係太明顯的指示版, 呢個 Area 就係 Unst 另一個 National Nature Reserve – Keen of Hamar.
呢個 Area 同 Hermaness 唔同. 佢的面積相對細好多, 而且唔係雀鳥的"住宅區" ! 呢個 Area, 一年四季都係碎石地, 草都唔多條, 但竟然最出名的係植物, 呢度有幾種植物非常少見, 係英國高山地區先可以搵到, 而其中一種叫 Edmondston's Chickweed 小花, 更係全世界只可以係 Unst 呢度搵到 !
係 Shetland 遠足, 最常見呢種木梯, 一入到去就係羊的勢力範圍 ! 
Keen Of Hamar National Nature Reserve
灰灰的一片碎石地, 邊個會估到呢度會藏有稀有植物 !
呢個就係 Unst 獨有的 Edmondston's Chickweed 小花 !
可惜可能未到 Season, 我搵左好耐先搵到呢一束將開未開的花花 ~