嬲死我啦 !!! 我打好晒呢篇 Blog, 點知想加個 Video 時, 成篇野突然唔見左呀 
!! 要重打 !!!!
======================================================================
沿海邊小路飛馳一段時間, 終於到達 St Davids 啦 ! St Davids 係呢度算係大 Town, 甚至係路牌見到佢寫 City 添 !! 不過當我入到去, 大部路都好窄, 只可以單程行車, 加上路邊的行人, 真係要慢駛兼排隊 !
早係出發之前, BnB 女主人已經同我地講過, St Davids 會好多人下架, 佢亦特地指示我地去一個比較少人知道的 Carpark, 但係俾我同我個朋友 2 個亂衝亂撞下, 佢講個 Carpark 我地反而冇去到, 竟然俾我係正 Cathedral 門口搵到個位, 仲要唔洗錢添架 ~
St Davids 本身位置都算幾吊腳, 係 Pembrokeshire 最西端, 點解係呢度反而會有個大 Town 呢 ?! 係以前仲係以船作為交通工具時, 呢度係其中一個海港碼頭, 好多人係度坐船出入, 所以就成為一個大 Town. 同時呢度亦有 2 座歷史建築物 – Cathedral & Bishops Palace.
St Davids Cathedral 建於 1181 年, 據聞係由於呢度以前係好多漁民, 而佢地星期日亦會照樣開工捕魚的, 為左吸引佢地番教會, 就起左呢座咁靚的教堂啦 !! 可惜當日有 Service, 我地只可以匆匆入內一看, 免得阻擾人地啦 ~
而 St Davids Bishops Palace 就係 13 – 14 世紀的建築物, 差唔多起左 20 年咁滯, 係當時黎講, 可以話非常奢華, 建築亦算非常新式添呀, D 裝飾同裝潢係o係外地學番黎架 ! Bishops 係呢度的生活, 同皇宮有得一拼, 可見當時的 Church 係十分有勢力架, 有如皇帝一樣 !
行完 2 大景點, 入小 Town 走走, 食住一個好大又好味, 但溶得好快的意大利雪糕, 真係令人開心呀 !
St Davids Cathedral, 我架車就泊係 corner 位, 一眼就可以望下面個景 ~
St Davids Bishops Palace, 盛惠 2.90 pounds, 不過真係值得一行架 !!
Town Centre 的 roundabout 公園, 所有車駛入黎, 都會經呢度分流架 !!
小店外的擺設, 都幾得意架 !! 生左锈反而仲外左 d 顏色 ~