上左呢條船, 唔止可以舒舒服服咁抖下, 欣賞下風景, 行程仲安排左幾個小活動架 !!
第一項係釣魚啦 !! 由 Captain 率先示範一次, 落左魚餌唔夠 5 mins, 已經有魚上釣啦 !! 快快手手, Captain 已經釣左好幾條, 可以話今晚晚餐已經無憂, 咁 Captain 就退下來, 交由遊客們上場, 包括我地 3 人中的唯一男丁, 但似乎呢個活動有少少男女不平等喎, so far 只有男士可以玩 ~
不過唔怪得咁的, 我嘗試用手捉住一條魚, Captain 千叮萬囑我呢條魚好有力, 要捉得好實先得, 結果都諗得到啦, 我拿上左手唔夠幾分鐘, 相都未影好, 就成條魚跌左落地啦 ~
最後得到的魚鑊, 由 Captain 選左幾條食用魚, 即場劏好, 準備今晚加料的 !! 不過係我眼中, 條條都食得架喎, 特別係紅色o個條, 乜唔係斑黎架咩 ?! 搞乜放番入海喎 !!
小船繼續往 Tasman Sea 駛去, 出了 Doubtful Sound 的海口, 會見到好幾個石頭平台, 小船還未駛近, 就已經聞到風中飄來一陣猩臭味, 有去過 Marine Park / Zoo 的, 都應該聞過呢下, 亦應該估到有動物住係呢附近啦 !
當小船駛近一點, 見到有一點一點的黑色物體, 好似芝麻咁點綴係石頭上, 再 Zoom 埋點, 嘩 … 好多隻懶洋洋的 Seals, 爬係石頭上晒太陽, 郁都唔願郁咁, 幾咁 relax 呀 !!!
除左睇 Seals, 記得留意風景, 由呢度回望 Doubtful Sound, 風景好有層次架, 剛好遇上一片厚雲, 由山上往山下湧, 唔知點解, 我地確實感覺有絲絲涼氣由山呢邊送過來 … …
小船慢慢往 Doubtful Sound 回航, 呢晚我地將會到其中一個 Branch 過一晚, 當小船差不多駛到盡頭之後, Captain 便決定於此落撈停船. 呢條分支四周被山脈包圍著, 無風無浪, 咁平靜的水面, 最適合俾我地落場玩 Kayaking 啦 !!
玩了影了好一陣子, 本來還未打算上水, 但越玩越不對勁, 嘩 !! 好大群 "蚊" 係咁追住我地咬, 邊度露出皮膚就邊度中招, 連頭皮都唔放過, 到最後真係頂唔順, 要放棄跑番上船 ~ 後來先知, 呢 d 係會咬人的 sandflies, 俾佢地咬中真係好慘呀, 痕左成個星期都止唔到, 但又唔可以成日抓喎 (我由呢日開始, 痕到番 HK ~), 抓損的痕跡仲要個幾月都唔退, 幾礙眼呀 !!!
是日晚餐, 先有熱食, 相中的係 Hot Dog, Captain 秘製 Recipe 的煎魚塊 & 煲薯仔, 仲有冷盤, 包括 Ham, chix, egg, salad, pasta & veg, 雖然簡單, 但份量好足, 非常美味, 足以填飽我地咁多人, 食完正餐仲好意外地有甜品喎 !! 正 ~
食飽飽, 趕著所有人用 bathroom 前, 先沖個熱水涼, then 快快爬上舒服的床, 同朋友玩左陣中間道 sliding door, 就忍唔住訓著啦 ~
