今年剛好是我漂流海外的第十年 !
這十年來過來"探望"我的各地朋友, 真係 10 隻手指都數得晒呀 ! o拿 ! 我係唔會承認呢個係我的人緣問題, 咁各位朋友, 請你地自己檢討一下啦 !! 
不過就係咁, 我呢生人最最最 "黑" 住我的朋友, 竟然趕到機票平, 英磅低之時, 跟住我同機番英國, 真係 …. 令我非常心驚膽跳呀 !
黑黒, 到左呢一刻, 我先敢講出一直隱瞞你的一件事 ! 早早係你 confirm 機票, 而我尚在上班的日子, 都唔知係咪番醫院接收太多負能量, 有一晚我竟然發惡夢, 夢見到我地一齊坐飛機, 不過呢架機竟然最後係墬機呀, 而你係夢中係不幸地 …, 你話我驚唔驚丫, 我真係有諗過即刻轉機票唔同你一齊飛架, 唉 … 你知我地互黑得幾厲害架啦 !!
就係因為咁, 我回到英國的第一天, 就已經正式開始這個"個人旅行團"的行程, 第一站: 倫敦 London !!
==================================================
倫敦的景點, 相信好多人都耳熟能詳, 而我呢一日所走的行程亦頗為 standard, 唯一有點不同的, 我趁著當日難得的陽光普照, 就帶著我這個團友, 好好地利用自己的 11 號巴士, 順著 River Thames 走了一大圈. 這日我地真有點浪費了價值 7.50 pounds 的 Day Travel Card, 由早上 8:30 開始, 我地就全程都係 "行", 一直行到下晝 6:00 去搭 coach 為止, 根本都冇乜點搭過 tube 囉 !
我地先自 Heathrow 移到 Victoria 火車站寄存行李, 8 pounds per item (後來朋友告訴我, Coach station 再便宜點, 3.5 – 4.5 pounds 咋 ! ), 係呢度不得不提, 我這個朋友對某些 underground station 冇電梯, 要自己抬住行李走上幾道樓梯, 感到頗為不滿, 而我只可以 
~
之後, 我地由 Tower Hill 站出發, 以下就係沿著 River Thames 所走的路線喇 :
Tower Hill 站出口, 對著河邊方向走, 就會到達 Tower of London.
由 Tower of London, 其實可以望到 Tower Bridge, 就向著她出發吧 !
Tower Bridge 旁的 City Hall, 這區翻新過後, 跟十年前相差太遠了~
過了橋, 沿著河邊繼續走, 就會來到時常被人誤會的 London Bridge.
而這時, 天氣突然由晴轉陰, 我地亦因此暫避一下, 躲到橫街的 Cafe 中, 享受一下 !
再度沿 River Thames 走, 下一站是 Tate Museum 及旁邊的 Millennium Bridge.
由此起直到 Embankment, 由地圖上看似没甚麼景點, 卻隱藏了不少值得一看的東西.
(這個小廣場內擺設了很多的木雕, 每隻造型都很有趣, 有搖搖木馬, 木鴨, 木狗…)
來到了 Embankment, 亦即 London Eye 所在地. 遊客呀 ! 遊客 ! 
River Thames 的最後一站 – 大笨鐘 (Big Ben) & 西敏寺 (Westminster)
還附送 Black Cab 一架添, 幾咁 Postcard 呀 !
跟隨人潮行到 Buckingham Palace, 星期日, 加上時間剛剛好, 順道睇下換兵儀式, perfect !
預告: 下集將走入倫敦最旺的區域 !