漂泊中的魚

接近農曆新年, 又是吊鐘花盛開之時, 早兩個星期我的人尚在北海道, 卻已經被朋友們在 FB 瘋狂洗版中, 那時候就說回到 HK 必定要去賞一次花.

剛剛的 weekend 有空, 就請教左朋友邊度有賞吊鐘花熱點, 結果就決定了要一遊大枕蓋 !

起點可以選擇由北潭涌, 過了閘口沿路而入, 再轉入北潭路, 直到鹿湖郊遊徑的起點 ~

明明二月時份, 竟然係 24 度, 差點熱到好似夏天咁呀 !? 我們的冬天去了哪裡 !? 難道氣候變化真係咁唔值得重視 ?!

行左都冇半個鐘, 遇上第一棵路邊的吊鐘花了 !

剛好是日得到藍天白雲, 襯托出吊鐘花的紅 ~

這條路線可長可短, 如果好似我地咁短短地上大枕蓋, 就要係呢個路口轉右上山去 !

雖然係上山路, 但呢個地區的吊鐘花數量, 一定唔會令到大家失望. 即使我算是水尾時份, 都至少見到 10 棵以上盛開著的吊鐘花, 總會有一棵啱大家影靚相呀 ~

前往大枕蓋標高柱的路上, 必定會經過相中的吊鐘花山谷, 大家唔怕走小路的可以轉進山谷中, 拍一下吊鐘花的美態 ~

由大枕蓋標高柱往山下望去, 就可以看到吊鐘花在山谷中的分佈圖, 細拍慢賞的話, 真係可以玩上成粒鐘架 !

如果在這裡遠眺一下, 眼前就是萬宜水庫的全貌了 ; 若往右邊那千島湖模樣的 landscape, 就是滘西洲 & 大頭洲了 ~

一直往下山路段前行, 就會越來越接近萬宜水庫, 直至回到山腳, 就會接上萬宜路 !

在萬宜路上慢跑回北潭涌, 全程剛好 10 公里, 大約 3 小時完成 !!