今年暑假參加另一個山賽系列 : <迷你四徑> !
顧名思義就是一連四場. 分別在港島徑、麥理浩徑、衛奕迅徑 及 鳳凰徑, 選取了其中的精華路段作賽, 呢幾場比賽還真係一場比一場難跑呢 ~
第一場 – 港島徑第 5 至6 段 : 大潭道 – > 柏架山道 -> 陽明山莊, 全長 8.5km, 限時 4 小時.
呢個算係咁多場之中最易嗰場, 當係熱身賽啦.
呢個系列的伙食唔錯, 有汽水又有雪糕, 剛好路完可以好好享用 !
第二場 – 麥理浩徑第七至八段 : 城門水塘主壩 -> 針山 -> 草山 -> 鉛鑛坳 -> 大帽山 -> 大帽山扶輪公園, 全長 16 公里, 限時 7 小時.
這次路線較長, 但作為很熟悉的針草帽, 要完成並不會太困難 !
第三場 – 衛奕信徑第九至十段 大埔 ->九龍坑山 -> 八仙嶺 -> 新娘潭路, 全長 17.4km, 限時 7 小時.
呢場就真係大鑊了, 剛上九龍坑山時天氣還好, 未算太熱, 都可以快衝上山, 可惜當去到黃嶺之時, 已經是烈日當空, 又熱又曬仲要大山大落, 幸好我帶夠了水上山, 還可盡速通過, 很多山友就比較不幸, 敗給了大太陽, 差點在山頭上中暑了 …
這回我也有點黑色, 電話在彎身時掉到水潭中, 即場報銷了 … …
雖然辛苦, 但不得不說八山嶺上的風景就是美 !
第四場 – 鳯凰徑 第一至三段 梅窩 -> 南山 -> 大東山 -> 伯公坳 -> 鳯凰山 -> 昂坪, 全長 13.5 km, 限時 6 小時.
這場絕對是惡夢之所在, 從未試過完賽得如些辛苦 …
起步的第一個山頭登上了大東山, 芒草 + 小屋確實很美, 這階段體能還行, 可以快行 2 小時完成 !
慘了, 由於練習不足及過度衝動, 我登鳳凰山之時開始出問題了, 初期是氣喘得不成樣子, 後來是兩腿全抽, 根本連站也站不穩, 幸好得到各途經的師兄姐出手相助, 每人分了一點補給劑給我, 才令我可以一拐一拐的奮力登山, 最終得以完成這項賽事 !!
每每山賽之中，總會在某些時段遇上最難捱的一刻，今回嘅抽筋係全方位咁抽，登上鳳凰山之時，完無能力再分心欣賞風景，嗰時我只可再一次提醒著自己，切忌好高騖遠，專注眼前的每一步，就可以慢慢的捱過去 …
呢場比賽發生左件騎呢事，當我完賽行番出大佛的通道上，我竟然成條蛇餅都睇唔到，行過時仲踢左佢一腳，佢即時成條彈起左, 好在佢冇咬我咋，但我個報應係即時再抽過筋 …… 我還真忍不住問, 點會係日山人海 & 陽光普照的石屎路上, 盤左條蛇路中心架 ?!
我今年終於捱完了 4 場賽事, 如果本年能夠一次完成晒 4 場比賽, 就可以得到完賽小金人一個作為紀念, 而今年我有幸也可以領取到一個哦 …
