本年度的收季潛, 由於各種各樣的原因, 結果來到 11 月中的時候先完成, 而篇遊記就搞到而家先出到 … …
今回跟朋友出快艇潛, 唔喺西貢而出三門仔, 話說都好耐冇喺呢度出過潛了, 望見咁清晰的八仙嶺, 都真係令人心情舒暢呀 ~~
第一潛係海下的響螺角, 原本係有隻沉船可以玩下的, 不過是日能見度真的不太好, 落左去來回了一趟卻什麼也找不到, 求其影左幾張就收工了 ~~
呢日水溫 23 度, 最深係 10.7m, 明明濁水一片仲要鬼咁凍, 都可以潛左 50 mins 架喎 …
第二潛還是轉一轉陣地, 來到從未潛過的 鳳凰笏 !
估唔到水面風景不錯, 水底一樣精彩, 尤如 gobies 放題咁喎 ….
呢潛最深只係 7.6m, 左搵右搵足足玩左 58 mins, 震住都要潛埋佢呀 !!
唔好問我呢一潛影左幾多款 Goby 呀 ~~~
今回成日見到呢條魚, 身上有好多藍點點, 幾靚架 !
每次見到 Sandperch 都忍唔住笑, 好一塊厭世臉哦 !!
躱在洞中都可以影到, 部相機都真係算係咁 ~
再黎 …. Goby 放題 !
瓶中的八爪魚, 得意 !
一點都唔黑, 反而白白黃黃的黑珊瑚呀 !!
呢片水底每隔幾步就有一叢黑珊瑚, 真係冇諗過會咁茂密喎 !
在好天氣下回程, 回到之時卻已是黃昏, 本年度潛季完成 !!