早排跟巨人染上咗個植物印染堂, 呢門手藝英文為 Eco Print, 真如其名係幾 Eco 地物盡其用, 而且作品出黎效果非常有驚喜, 個人覺得係一個好有意思的創作過程 !
講番認識巨人染始於 2018 年, 當時喺潛水展 買咗佢地製作的藍染鯨魚 Tee, 已經非常欣賞, 之後再有機會去過佢地的紮染作品展 – 逆光 II, 都令我好想跟佢地學下嘢, 今回終於有機會啦 ~
坦白咁講, 由報名再到上緊堂之初, 其實都未真正了解何為植物印染, 帶點無知咁上住堂咁一路聽住解說, 先慢慢有如開竅咁理解呢門手藝, 所有材料看似簡單卻要先懂箇中橋妙 !
製作材料主要就係各式落葉, 冇錯 ! 唔要新鮮就只要大部份人不會在意的落葉 ; 還得選上從外表看不出卻帶有單寧成份之各式樹葉品種, 如果冇創作經驗, 根本說不出可以用邊款樹葉, 而唔同單寧成份的葉片, 則會帶出不同深淺顏色, 這葉還真不可以貌相架 !
至於布料就只能用動物性質料 : 羊毛 & 絲綢, 否則葉紋是印不上去的, 今回我地用的就係羊毛啦 !
選取想要的各式葉片, 配上自家的亂打亂撞, 構成一副都有點看頭的畫作 …
排葉過程都幾治癒, 也有點隨意 ….
今回玩對稱畫作, 葉片構圖完成, 就得將另一半的羊毛布放下, 再將布料噴濕 …
先用棍捲壓起來, 再用棉繩用力捲紮好, 真正的紮到成隻糭咁 ~
紮好咗就開始蒸煮時間, 足足有個半小時咁上下 ~~
全靠紮實完再去蒸, 才能將葉片中的單寧, 依據葉紋壓印進羊毛布料之上 !
作品出爐 !!
除葉前之對比, 出黎效果對我嚟講好驚喜, 冇諗過出黎隻色咁靚架 !!
呢門手藝的有趣之處, 就係連除葉都係咁梁癒架喎 !
去晒葉之後, 作品顏色層次慢慢再變得沈實 … 真身終現 ~
