香蒜骨 – 今次我用左平日比較少用的煮法, 炸 ! (好彩今日只係食左冷麵做 Lunch !)
呢味餸非常香口, 配埋旁邊炒香的 Garlic 同乾蔥, 已經好好"送"飯架啦 !! 當然我係有配埋 1 serve boiled fine bean 啦 !!
呢個骨做法非常簡單 :
買排骨時, 揀比較細件薄身的, 因為一來醃時易入味, 二來炸的時間可以短 D, 唔會咁易炸燶 !
用糖, 酒, 豉油, 豆粉, 少少五香粉同麻油, 仲有大量切碎的 Garlic (我切碎左成個放入去) 同埋乾蔥撈埋一齊去醃排骨至少 3 hrs.
醃夠時間, 可以上面包糠, 我今次又係用日式粉, 貪佢輕身, 唔係太黏, 唔會太厚咁包住舊骨. 將骨四面都上好粉, 就可以準備炸 ! 上粉唔洗上到好密, 大約 Cover 到就 ok ! 因為醃時落左唔少豆粉, 所以舊骨唔會好濕, 炸時應該唔會彈得好勁. (至少我炸時冇彈到周圍係 !! 
)
開始炸時, 鑊入面的油唔需要太多, 大約係排骨厚度一半到, (我係炸完一邊先一邊的, 甚至四邊炸勻), 不過千祈唔好太火, 中火就可以啦, 如果唔係肉未熟, 舊骨已經變炭囉 !
炸好的排骨就晾係 Kitchen Towel 上吸油, 另一邊, 我用番醃肉的 Garlic 入 pan 度炒熟, 再加入乾蔥, 同用淨的面包糠, 一直到面包糠 toast 到金黃色, 咁就係可以熄火啦 !!!
最後, 將排骨放係碟, 而香蒜乾蔥就放碟旁邊, 咁就完成左呢味香蒜骨啦 !!!!
喂, 各位會員 ! 我下年番 HK 整俾你地食丫 !!