Day 5 離開 Dubrovnik 後, 走了很長的車程, 終於到了 Brela, 我同四葉妹妹都急不及待咁衝向海邊, 風景好靚呀, 你睇四葉妹妹幾興奮 ?!
喂 …. 四葉你咪亂掉石頭好喎 !
係石灘影完相, 轉個頭又坐係碼頭上
四葉妹妹做乜無啦啦發脾氣?! 咪因為佢玩到又餓又渴, 睇下支汽水一送上黎, 佢即刻開心番晒 ! 
終於趕得切天黑前搵到 Plitvicka Jezera National Park 的民營酒店啦 ~
咦… 四葉妹妹你咪揀飲擇食喎 !! 你記得要食晒 d 蔬菜呀 !!
Day 6 我地入到 Plitvicka Jezera National Park, 開始大影特影, 尤其四葉妹妹o係流水同瀑布前的留影一定比我的還要多 !
大瀑布前一張, 四葉妹妹騎牛牛影左一張 ~
佢當蒲公英係攬枕, 望見都覺好舒服咁 …
剛落完大雨, 四葉同我地都要晒番乾個身 !!!
大大小小瀑布前, 佢都要影番張相喎 ! 你地鍾意邊張多 d 呢 ?!
