一年二度的 Long Weekend, 終於等到 8 月呢一個, 我同朋友跑到 North Wales 玩了 2 天.
天氣預告明明話呢個 Long weekend 難得天晴, 最多都係有雲, 都呃人架 !! 係就係出發時天晴, 但開車到 North Wales 就變成天灰灰, 到後期仲落起大雨添呀, 又再一次証明了英國的"鬼天氣" !! 不過就算天氣幾唔好, 我都慣左行程照舊, 哈 ! 連英國人都自嘲, 英國單車選手攞到個奧運金牌, 全賴當日北京落起大雨, 係佢地先習慣大雨中仍舊無阻地繼續所有活動 !!
是日第一站 – Brecon Beacons Summer Fayre, 舉行地點係 National Park Visitor Centre, 講到好似好大型咁, 其實係一個 local weekend market, 主賣自家製產物, 不過我卻喜歡呢度的人, 行過攤檔同檔主傾幾句, 交流一下, 好一個 Family event, 閒逛完就到 coffee shop 點杯 cappa 同一件 sponge cake, hea 下咁又一個朝早啦 ~
離開 Brecon Beacons, 開始往海邊駛去, 先經過一路的山區 country road, 途中經過小 Town – Llandovery, 呢個 Town Centre 細小而精緻, 不遠的山頭上, 有個銀製武士雕像, 而背景係一個 castle 的遺址, 都幾襯喎 !
來到海邊的 Aberaeron, 好鍾意碼頭兩旁的房屋都被塗上唔同的顏色, 好 colourful, 可惜天色襯托唔出應有的效果 !! 海邊又是一個長長的石灘, 没什吸引, 反而於雨中見到一頭可憐的驢仔, 好想問它係咪叫 Eeyore, 點解咁 sad ?! 朋友說 Donkey 本身樣子就係咁可憐, 但今次見住佢淋雨, 感覺加倍 !
已經下午三點多, 隨便找到了一家 Fish & Chips Shop, 試一下海邊的水準如何啦 ~ 薯條不過不失, 魚塊的確不錯, 至少炸漿唔係成尺厚, 亦唔算太油膩. 之後我地又到碼頭邊一家排長龍的雪糕店, 所有雪糕無論任何口味都有 honey, 試了一個 Vanilla 口味的, honey 味道很重, 比 Vanilla 味還要重, 唔係太合我口味, 但唔會影響我吃掉一整個 cone 的胃口 ..
天氣開始轉壞, 下起大雨來, 無處可去的我地, 無奈地先到 Borth 的 YHA check in, Hostel 係正海邊, 一晚一個床位 21 pounds (包了 3 pounds non member fee), 簡簡單單冇乜要求, 隨便選 2 張床位, 入好床單被套, 呢晚張床就屬於你架啦 !!
Borth 係一個小 Town, 除了長長的的海岸線 (可惜又係石灘), 就只有 2 排屋群及一條長街, Town 內 Hotel 及食店都唔多, 沿海邊一直走到北邊的小山崖, 可以遠眺整個 Borth 的 Coastline, 小路並不難行, 還有一個 Monument 做指示添, 搞笑的係朋友臨尾衰, 於我千叮萬囑下, 落山時還是跌了一交, 弄得一身都是泥 ~
是日晚餐, 我地只係到了一間 pub, 隨便地吃了個 light dinner (late lunch 的魚塊尚未消化完), 就回到 YHA, 躲到暖暖的被窩內, 我估計我未到晚上十點便已經睡著了 !
