黃昏, 重回到 Queenstown Town Centre, 唔好睇相中的陽光普照, 當時已經係下午六時多. 我地先回到 Rafting Info Centre 取回訂左的相片, 再跑到 Town 中閒逛一下, 順手到 Chemist 買定暈浪丸給朋友, 為打後 2 日的船程作定準備.
咦 ?! 呢 2 個外星人黎錯左地球, 要賣藝籌錢回家鄉呀 ?!
咁大個 Backpack, 連我朋友都可以裝得落喎 ~
這一晚, 我地就要離開 Queenstown, 到 Te Anau 過夜 (到 Milford Sound 的出發點). 離開前, 我地先於 Queenstown 食過晚餐, 找到一家隱蔽於後巷的意大利餐廳, 見旅遊指南所寫, 呢家餐廳頗有歷史, 算幾有名氣的. 難得無論門面到室內都維持傳統 Farm House 的擺設, 連午餐都没吃的三人都已經餓透了, 一口氣點了 2 個 Pasta & 1 個 Pizza. 等著上食物時, 見隔離枱上了個 Garlic Bread, 無論賣相及香氣都超吸引人, 如果早一刻見到, 會係必試之選, 可惜我地已經落好了 Order !!
當你越餓, 越覺等候的時間特長, 好一陣子才等到 2 個 pasta 上場. 但 pizza 卻亳無蹤影. 算了, 邊吃 Pasta 邊等吧, 但發現新鮮熱辣的 Pizza 不停出現眼前, 卻唔係送到我地的枱上, 心知可能漏單啦 !! 急急叫來 waitress 查單, 果然真係漏單, 當時意粉已經食完, 胃口處於半飽半餓之間, 但又怕要再等頗長時間, 後來 waitress 為表歉意, 表明個 pizza 免費兼盡快送上, 咁我地就等埋啦, 結果發現個 pizza 係值得等的, 真係幾美味, 比 pasta 還要出色 !!
往 Te Anau 而去, 一路盡是草原山脈, 夕陽下都染上一層金黃色 !! 中途經過一個 deer farm, 將車停到一邊, 往鹿群處沖, 嚇得鹿兒們一臉驚惶, 四散而奔, 而我地得了以下呢張相片, 哈哈 ~
入黑前最後一刻, 安然到達 Te Anau 的 YHA, 我地三人的姓氏又一次現於 Reception 的閘上, 鬼叫遲 Check in 咩, 不過今次住的係一間小小 self catering house, 同另一對 couple share 小屋的設施, 簡單卻齊全, 還附有一個小花園, 可以於此 BBQ 添 ~
=========================================================
今日 HK 打 9 號風球, 哈 … 令我突然又諗起 1999 年 9 月 16 日的約克 (10 號風球), 詛咒的應驗 !! 呢日, 我要獨自出門到英國留學, 結果唔止飛唔成, 仲要經過大delay 後, 我到達人生路不熟的英國之時, 係半夜 2 點多 …
黑黑, 今日令我又想起你 ……..